ಬೀದರ್| ಅಂಗಾಕರ ಸಂಕಷ್ಟಿ; ಸಿದ್ಧಿ ವಿನಾಯಕನ ದರ್ಶನ ಪಡೆದ ಭಕ್ತರು

ಬೀದರ್: ಅಂಗಾರಕ ಸಂಕಷ್ಟ ಚತುರ್ಥಿ ನಿಮಿತ್ತ ನೆರೆಯ ತೆಲಂಗಾಣದ ಜಹೀರಾಬಾದ್‌ ತಾಲ್ಲೂಕಿನ ರೇಜಂತಲ್‌ನಲ್ಲಿರುವ ಸಿದ್ಧಿ ವಿನಾಯಕ ಮಂದಿರದಲ್ಲಿ ಮಂಗಳವಾರ ವಿಶೇಷ ಪೂಜೆ ನಡೆಯಿತು. ಸಹಸ್ರಾರು ಭಕ್ತರು ದೇವರ ದರ್ಶನ ಪಡೆದರು.

ಅಂಗಾರಕ ಸಂಕಷ್ಟ ಚತುರ್ಥಿಯ ಹಿನ್ನೆಲೆಯಲ್ಲಿ ಸೋಮವಾರ ಸಂಜೆಯಿಂದಲೇ ಬೀದರ್‌, ತೆಲಂಗಾಣ, ಮಹಾರಾಷ್ಟ್ರದ ನಾನಾ ಕಡೆಯ ಭಕ್ತರು ಪಾದಯಾತ್ರೆಯ ಮೂಲಕ ಹಾಗೂ ವಾಹನಗಳ ಮೂಲಕ ರೇಜಂತಲ್‌ಗೆ ಆಗಮಿಸಿದ್ದರು.

ಮಂಗಳವಾರ ನಸುಕಿನ ಜಾವ ನಡೆದ ಕಾಕಡ ಆರತಿಗೆ ಸಾವಿರಾರು ಭಕ್ತರು ಸಾಕ್ಷಿಯಾದರು. ಮಂದಿರಕ್ಕೆ ಬರುವ ಭಕ್ತರು ಉಪವಾಸ ಆಚರಣೆ ಮಾಡುವುದರಿಂದ ದಾರಿಯ ಮಧ್ಯದ ಅಲ್ಲಲ್ಲಿ ಹಲವರು ಉಪಹಾರ ನೀಡಿದರು. 

ದೇವರ ದರ್ಶನ ಪಡೆದ ಭಕ್ತರು ಪುಳಿಯೋಗರೆ ಸೇವಿಸಿದರು.