ಅಂಚೆ ಪಾರ್ಸಲ್ ಬುಕಿಂಗ್‌ ಸದುಪಯೋಗಕ್ಕೆ ಮನವಿ

ಬೀದರ್: ಎಲ್ಲ ಅಂಚೆ ಕಚೇರಿಗಳಲ್ಲಿ ಕಚೇರಿ ಸಮಯ ಮುಕ್ತಾಯವಾಗುವ ಕನಿಷ್ಠ 30 ನಿಮಿಷಗಳ ಮೊದಲು ಸ್ಪೀಡ್ ಪೊಸ್ಟ್ ಹಾಗೂ ಪಾರ್ಸಲ್ ಬುಕಿಂಗ್‌ ಮಾಡಬಹುದಾದ ಸೌಲಭ್ಯವನ್ನು ಅಂಚೆ ಇಲಾಖೆ ಒದಗಿಸಿದೆ. ಅಲ್ಲದೆ ಸಾರ್ವಜನಿಕರ ಅನುಕೂಲಕ್ಕಾಗಿ ಗ್ರಾಹಕ ಸ್ವಯಂ ಸೇವಾ ಪೊರ್ಟಲ್ ಮೂಲಕವೂ ಪಾರ್ಸಲ್ ಬುಕಿಂಗ್ ಮಾಡುವ ವ್ಯವಸ್ಥೆಯನ್ನು ಜಾರಿಗೆ ತರಲಾಗಿದೆ.

ಗ್ರಾಹಕರು https://app.indiapost.gov.in/customer-selfservice/login ವೆಬ್‌ಸೈಟ್‌ಗೆ ಲಾಗಿನ್ ಆಗುವ ಮೂಲಕ ಮನೆಯಿಂದಲೇ ಸ್ಪೀಡ್ ಪೋಸ್ಟ್, ಪಾರ್ಸಲ್ ಹಾಗೂ ಇತರೆ ಅಂಚೆ ಸೇವೆಗಳ ವಿವರಗಳನ್ನು ಪಡೆದು ಬುಕಿಂಗ್‌ ಮಾಡಬಹುದು. ಸಾರ್ವಜನಿಕರು ಈ ವ್ಯವಸ್ಥೆಯ ಸದುಪಯೋಗ ಪಡೆದುಕೊಳ್ಳಬೇಕೆಂದು ಬೀದರ್‌ ವಿಭಾಗದ ಅಂಚೆ ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.