ಕೋವಿಡ್ ತಡೆ: ವೈದ್ಯರ ಸೇವೆ ಸ್ಮರಣೆ

ಬೀದರ್: ಕೋವಿಡ್ ಮೊದಲ ಹಾಗೂ ಎರಡನೇ ಅಲೆಗಳನ್ನು ನಿಯಂತ್ರಿಸುವಲ್ಲಿ ವೈದ್ಯರ ಪಾತ್ರ ಮಹತ್ವದ್ದಾಗಿದೆ ಎಂದು ಐಡಿಬಿಐ ಸ್ಥಳೀಯ ಶಾಖೆ ಸಹಾಯಕ ವ್ಯವಸ್ಥಾಪಕ ರೂಪೇಶ ನುಡಿದರು.

ಐಡಿಬಿಐ ಬ್ಯಾಂಕ್ ವತಿಯಿಂದ ನಗರದ ಗುಂಪಾದಲ್ಲಿ ಇರುವ ಎನ್.ಕೆ. ಜಾಬಶೆಟ್ಟಿ ಆಯುರ್ವೇದಿಕ್ ಮೆಡಿಕಲ್ ಕಾಲೇಜಿನಲ್ಲಿ ಆಯೋಜಿಸಿದ್ದ ವೈದ್ಯರ ದಿನಾಚರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
ಆಸ್ಪತ್ರೆಯ ಪ್ರಾಧ್ಯಾಪಕರು, ವೈದ್ಯರು ಹಾಗೂ ವೈದ್ಯಕೀಯ ಸಿಬ್ಬಂದಿಯನ್ನು ಸನ್ಮಾನಿಸಲಾಯಿತು.
ಉಪ ಪ್ರಾಚಾರ್ಯ ಡಾ. ವಿಜಯಕುಮಾರ ಬಿರಾದಾರ ಅಧ್ಯಕ್ಷತೆ ವಹಿಸಿದ್ದರು. ಡಾ. ಸಿ. ಹಳ್ಳಿ, ಡಾ. ಸಂಜುಕುಮಾರ ಜ್ಯೋತೆಪ್ಪ, ಬಸಿರೊದ್ದಿನ್, ಮೊಹಮ್ಮದ್ ಇಕ್ರೊಮೊದ್ದಿನ್, ಡಾ. ಮಂಜುಳಾ, ಡಾ. ಸುರೇಖಾ ಬಿರಾದಾರ ಇದ್ದರು.