ಬೀದರ್‌: ಸೋಯಾಬೀನ್‌ ಖರೀದಿ ಜನವರಿವರೆಗೆ ವಿಸ್ತರಣೆ

ಬೀದರ್‌: ಪ್ರಸಕ್ತ ಸಾಲಿನ ಮುಂಗಾರು ಹಂಗಾಮಿನಲ್ಲಿ ಬೆಂಬಲ ಬೆಲೆ ಯೋಜನೆಯಡಿ ಗುಣಮಟ್ಟದ ಸೋಯಾಬೀನ್ ಖರೀದಿ ಪ್ರಕ್ರಿಯೆಯನ್ನು ಬರುವ ಜನವರಿ 2ರ ವರೆಗೆ ವಿಸ್ತರಿಸಿ ಸರ್ಕಾರ ಸೋಮವಾರ ಆದೇಶ ಹೊರಡಿಸಿದೆ.

ಜಿಲ್ಲೆಯಲ್ಲಿ ಸೋಯಾಬೀನ್ ಖರೀದಿಗೆ ಒಟ್ಟು 80 ಕೇಂದ್ರಗಳನ್ನು ತೆರೆಯಲಾಗಿತ್ತು. ನವೆಂಬರ್‌ 30ರಂದು ನೋಂದಣಿ ಅವಧಿ ಮುಗಿದಿತ್ತು. ಡಿ. 3 ಖರೀದಿಗೆ ಕೊನೆಯ ದಿನವಿತ್ತು. ಇದುವರೆಗೆ ಒಟ್ಟು 13,324 ರೈತರು 1.62 ಲಕ್ಷ ಕ್ವಿಂಟಲ್ ಸೋಯಾ ಮಾರಾಟಕ್ಕೆ ನೋಂದಣಿ ಮಾಡಿಸಿದ್ದಾರೆ. ದಿನಾಂಕ ವಿಸ್ತರಿಸಬೇಕೆಂದು ರೈತ ಸಂಘಟನೆಗಳು ಒತ್ತಾಯಿಸಿರುವುದರಿಂದ ಕ್ರಮ ಕೈಗೊಳ್ಳಲಾಗಿದೆ ಎಂದು ಕೃಷಿ ಮಾರಾಟ ಇಲಾಖೆಯ ಸಹಾಯಕ ನಿರ್ದೇಶಕ ಶಿವಾನಂದ ಕುಂಬಾರ ತಿಳಿಸಿದ್ದಾರೆ.