ಬಿಳಿಗಿರಿಬೆಟ್ಟ: ₹21.25 ಲಕ್ಷ ಹಣ ಸಂಗ್ರಹ

ಯಳಂದೂರು: ತಾಲ್ಲೂಕಿನ ಪ್ರಸಿದ್ಧ ಬಿಳಿಗಿರಿರಂಗನಬೆಟ್ಟದ ರಂಗನಾಥಸ್ವಾಮಿ ಹುಂಡಿ ಹಣದ ಎಣಿಕೆ ಮಂಗಳವಾರ ನಡೆಯಿತು.

ಬೆಳಿಗ್ಗೆ 10ಕ್ಕೆ ಆರಂಭವಾದ ಹಣದ ಎಣಿಕೆ ಕಾರ್ಯ ಸಂಜೆ ತನಕ ನಡೆಯಿತು. ಒಟ್ಟು₹21,25,500 ಲಕ್ಷ ಸಂಗ್ರಹವಾಗಿದ್ದು, ದೇವಾಲಯದ ಕರ್ನಾಟಕ ಬ್ಯಾಂಕ್ ಖಾತೆಗೆ ಕಾಣಿಕೆ ಹಣ ಜಮಾ ಮಾಡಲಾಯಿತು.

ಅಮೆರಿಕನ್ ನಾಣ್ಯ 35, ಮಲೇಷ್ಯಾ 1, ಚೀನಾ 1 ಹಾಗೂ ಅರಬ್ 1 ನಾಣ್ಯ ಸೇರಿ 38 ನಾಣ್ಯಗಳು ಹುಂಡಿಯಲ್ಲಿ ದೊರೆತಿವೆ.

ತಹಶೀಲ್ದಾರ್ ಆರ್.ಜಯಪ್ರಕಾಶ್, ಉಪ ತಹಶೀಲ್ದಾರ್ ಮಾದೇಶ್, ರಾಜಸ್ವ ನಿರೀಕ್ಷಕ ಎಂ.ಎಸ್.ಯದುಗಿರಿ, ರಮೇಶ್, ದೇವಳ ಆಡಳಿತಾಧಿಕಾರಿ ವೈ.ಎನ್.ಮೋಹನ್ ಕುಮಾರ್, ದೇವಸ್ಥಾನ ಪಾರುಪತ್ತೆಗಾರ ರಾಜು, ತಾಲ್ಲೂಕು ಕಚೇರಿ ಸಿಬ್ಬಂದಿ ಹಾಗೂ ಪೊಲೀಸರು ಇದ್ದರು.