ಆಲ್ದೂರು | ವಿದ್ಯುತ್ ಅವಘಡ: ಕೃಷಿಕ ಸಾವು

ಆಲ್ದೂರು: ಇಲ್ಲಿಗೆ ಸಮೀಪದ ವಸ್ತಾರೆ ಹೋಬಳಿ ಕೂದುವಳ್ಳಿ ಗ್ರಾಮದ ಕೃಷಿಕ ಹೂವೇಗೌಡ (54) ಅವರು ಶನಿವಾರ ತಮ್ಮ ತೋಟದಲ್ಲಿ ಮರಗಸಿ ಸಂದರ್ಭ ಅಲ್ಯೂಮಿನಿಯಂ ಏಣಿಗೆ ವಿದ್ಯುತ್ ತಂತಿ ಸ್ಪರ್ಶಿಸಿ ಮೃತಪಟ್ಟಿದ್ದಾರೆ.

ಹೂವೇಗೌಡರ ಪತ್ನಿ ವಿನೋದಾ ದೂರು ನೀಡಿದ್ದು, ಮರಣೋತ್ತರ ಪರೀಕ್ಷೆಗಾಗಿ ಜಿಲ್ಲಾಸ್ಪತ್ರೆಗೆ ಮೃತದೇಹ ರವಾನಿಸಲಾಗಿದೆ. ಆಲ್ದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕೆಲ ದಿನಗಳ ಹಿಂದೆ ಹೂವೇಗೌಡರ ಮಗ ಶಿವೇಗೌಡ ಟ್ರ್ಯಾಕ್ಟರ್ ಅಪಘಾತ ಉಂಟಾಗಿ ಗಂಭೀರ ಗಾಯಗೊಂಡಿದ್ದು, ಈಗ ತಾನೆ ಚೇತರಿಸಿಕೊಳ್ಳುತ್ತಿದ್ದಾರೆ.