ತುಂಗಾ: ನಾಲ್ವರು ನೀರುಪಾಲು

ಶೃಂಗೇರಿ: ಇಲ್ಲಿನ ವಿದ್ಯಾರಣ್ಯಪುರದ ಆಶ್ರಮದ ಬಳಿ ಭಾನುವಾರ ತುಂಗಾನದಿಗೆ ಸ್ನಾನಕ್ಕೆ ತೆರಳಿದ್ದ ಒಂದೇ ಕುಟುಂದದ ನಾಲ್ವರು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ.

ಶೃಂಗೇರಿಯ ಕಾಳಿಕಾಂಬ ಮೋಟರ್ಸ್ ಗ್ಯಾರೇಜ್‌ನ ಮಾಲೀಕ ರಾಮಚಂದ್ರ (35), ಅವರ ಸಂಬಂಧಿಕರಾದ ಕೊಪ್ಪ ತಾಲ್ಲೂಕಿನ ಬೆಳವಿನಕೂಡಿಗೆಯ ರತ್ನಾಕರ (38), ನಾಗೇಂದ್ರ (24), ಪ್ರದೀಪ(25) ಮೃತರು.

ನದಿಯಲ್ಲಿ ಸ್ನಾನ ಮಾಡುವಾಗ ಮುಳುಗಿದ ಪ್ರದೀಪನನ್ನು ರಕ್ಷಿಸಲು ಮುಂದಾದ ಇತರ ಮೂವರು ನೀರು ಪಾಲಾಗಿದ್ದಾರೆ.ಸ್ಥಳೀಯ ಪೊಲೀಸರು ಮತ್ತು ಅಗ್ನಿಶಾಮಕ ದಳದವರು ಮೃತದೇಹಗಳನ್ನು ನೀರಿನಿಂದ ಮೇಲೆತ್ತಿದರು. ಶೃಂಗೇರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.