ಚಿತ್ರದುರ್ಗ: ಆಗಸ್ಟ್ 23ಕ್ಕೆ ಭೂಮಿಕಾ ಕ್ಲಬ್‌
ಚಿತ್ರದುರ್ಗ: ‘ಪ್ರಜಾವಾಣಿ’ ಹಾಗೂ ‘ಡೆಕ್ಕನ್‌ ಹೆರಾಲ್ಡ್‌’ನ ‘ಭೂಮಿಕಾ ಕ್ಲಬ್‌’ ವೇದಿಕೆಯು ನಗರದಲ್ಲಿ ಆಗಸ್ಟ್ 23ರಂದು (ಶನಿವಾರ) ಮಹಿಳೆಯರಿಗಾಗಿ ವಿಶೇಷ ಕಾರ್ಯಕ್ರಮ ಹಮ್ಮಿಕೊಂಡಿದೆ.
‘ಫ್ರೀಡಂ ಆಯಿಲ್‌’ ಸಹಯೋಗದೊಂದಿಗೆ ಇಲ್ಲಿನ ದುರ್ಗದಸಿರಿ ಹೋಟೆಲ್‌ನ ಸಭಾಂಗಣದಲ್ಲಿ ಅಂದು ಮಧ್ಯಾಹ್ನ 3 ಗಂಟೆಗೆ ನಗರಸಭೆಯ ಮಾಜಿ ಅಧ್ಯಕ್ಷೆ, ಸಮಾಜ ಸೇವಕಿ ಸುನೀತಾ ಮಲ್ಲಿಕಾರ್ಜುನ್‌ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ. ನಗರಸಭೆ ಮಾಜಿ ಸದಸ್ಯೆ ಶ್ಯಾಮಲಾ ಶಿವಪ್ರಕಾಶ್‌ ಅತಿಥಿಯಾಗಿ ಪಾಲ್ಗೊಳ್ಳಲಿದ್ದಾರೆ.
ನಗರದ ಲಾಸಿಕ ಕ್ಲಾಸಿಕಲ್‌ ಡಾನ್ಸ್‌ ಅಕಾಡೆಮಿಯ ಕಲಾವಿದೆಯರಿಂದ ನೃತ್ಯ ಪ್ರದರ್ಶನ, ಗಾಯಕರಾದ ರೂಪೇಶ್‌ ಶೆಟ್ಟಿ, ಎ.ಸತ್ಯನಾರಾಯಣ ಅವರು ಚಿತ್ರಗೀತೆಗಳನ್ನು ಹಾಡಲಿದ್ದಾರೆ. ನಗರದ ಸಮೃದ್ಧಿ ಮಹಿಳಾ ಸಂಘದ ಸದಸ್ಯೆಯರು ಫ್ಯಾಷನ್‌ ಶೋ ನೀಡಲಿದ್ದಾರೆ. 80ರ ದಶಕದ ಕನ್ನಡ ಚಿತ್ರ ನಾಯಕಿಯರನ್ನು ವೇದಿಕೆ ಮೇಲೆ ತರುವ ಫ್ಯಾಷನ್‌ ಶೋ ನಡೆಯಲಿದೆ.
ಎಸ್‌ಜೆಎಂ ಹಾರ್ಟ್‌ ಸೆಂಟರ್‌ನ ಡಾ.ಆರ್‌.ಎಸ್‌.ಕಾರ್ತಿಕ್‌ ಅವರು ಮಹಿಳೆಯರ ಹೃದಯದ ಆರೋಗ್ಯ ಕುರಿತ ಉಪನ್ಯಾಸ ನೀಡಲಿದ್ದಾರೆ. ಸಮಾರಂಭದಲ್ಲಿ ಕ್ವಿಜ್‌ ಕೂಡ ನಡೆಯಲಿದ್ದು ಆಕರ್ಷಕ ಬಹುಮಾನ ಗೆಲ್ಲುವ ಅವಕಾಶವಿದೆ. ಪಾಕಶಾಸ್ತ್ರ ಕುರಿತಂತೆ ಉಪನ್ಯಾಸವೂ ಇರಲಿದೆ. ಮಹಿಳೆಯರಿಂದ ಮಹಿಳೆಯರಿಗಾಗಿ ಈ ಕಾರ್ಯಕ್ರಮ ನಡೆಯಲಿದೆ.
ಹೊಸ ವಿಷಯಗಳನ್ನು ಕಲಿಯಲು, ಸಮಾನ ಮನಸ್ಕರೊಂದಿಗೆ ಬೆರೆಯಲು, ಸೃಜನಶೀಲತೆ ಪ್ರದರ್ಶಿಸಲು, ಆರೋಗ್ಯ ಮತ್ತು ಕ್ಷೇಮದ ಜಗತ್ತಿನ ಬಗ್ಗೆ ಮಾಹಿತಿ ಪಡೆಯಲು ಕಾರ್ಯಕ್ರಮದಲ್ಲಿ ಭಾಗವಹಿಸಬಹುದು. ಕ್ಯೂ ಆರ್‌ ಕೋಡ್‌ ಸ್ಕ್ಯಾನ್‌ ಮಾಡಿ ಹೆಸರು ನೋಂದಾಯಿಸಿ ಕೊಳ್ಳಬಹುದು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.