ಹಿರಿಯೂರು: ದಾಖಲೆ ಇಲ್ಲದ ₹ 1 ಲಕ್ಷ ವಶ

ಹಿರಿಯೂರು: ನಗರದ ರಂಜಿತ ಹೋಟೆಲ್ ವೃತ್ತದ ಸಮೀಪ ದಾಖಲೆ ಇಲ್ಲದೆ ಸಾಗಿಸುತ್ತಿದ್ದ ₹ 1 ಲಕ್ಷವನ್ನು ತಹಶೀಲ್ದಾರ್ ಪ್ರಶಾಂತ್ ಕೆ. ಪಾಟೀಲ್ ಅವರು ಶುಕ್ರವಾರ ರಾತ್ರಿ ವಶಪಡಿಸಿಕೊಂಡರು.

ರಂಜಿತ ಹೋಟೆಲ್‌ ಸಮೀಪದ ಚುನಾವಣಾ ಚೆಕ್‌ಪೋಸ್ಟ್‌ಗೆ ಭೇಟಿ ನೀಡಿದ್ದ ಪ್ರಶಾಂತ್ ಪಾಟೀಲ್, ಟಾಟಾ ಎಸಿ ವಾಹನದಲ್ಲಿ ಕೊಪ್ಪಳ ಮೂಲದ ವ್ಯಕ್ತಿಯೊಬ್ಬರು ದಾಖಲೆ ಇಲ್ಲದೆ ಸಾಗಿಸುತ್ತಿದ್ದ ಹಣವನ್ನು ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆಯಡಿ ವಶಕ್ಕೆ ಪಡೆದಿದ್ದಾರೆ.

ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.