ಭರತ ನಾಟ್ಯ: ವೆನೆಸ್ಸಾ ವಿದ್ವತ್ ತೇರ್ಗಡೆ

ಮಂಗಳೂರು: ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ ನಡೆಸಿದ ಭರತನಾಟ್ಯ ವಿದ್ವತ್ ಅಂತಿಮ ಪರೀಕ್ಷೆಯಲ್ಲಿ ಮಂಗಳೂರಿನ ನೃತ್ಯ ಸುಧಾ ಸಂಸ್ಥೆಯ ವಿದ್ಯಾರ್ಥಿನಿ ವೆನೆಸ್ಸಾ ಮೊಂತೆರೊ ವಿಶಿಷ್ಟ ಶ್ರೇಣಿಯಲ್ಲಿ ತೇರ್ಗಡೆಯಾಗಿದ್ದಾರೆ.

ವೆನೆಸ್ಸಾ, ವಿದುಷಿ ಸೌಮ್ಯ ಸುಧೀಂದ್ರ ರಾವ್ ಅವರ ಶಿಷ್ಯೆ. ಮಂಗಳೂರಿನ ಸಂತ ಅಲೋಶಿಯಸ್ ಕಾಲೇಜಿನಲ್ಲಿ ಅಂತಿಮ ವರ್ಷದ ಬಿ.ಕಾಂ ಪದವಿ ವಿದ್ಯಾರ್ಥಿನಿ. ಬೆಳುವಾಯಿ ಎಸ್.ಎಂ.ಪಿ. ಪ್ರೌಢಶಾಲೆ ಪದವೀಧರ ಸಹಾಯಕ ವಲೇರಿಯನ್ ಮೊಂತೆರೊ ಮತ್ತು ತೆಂಕಮಿಜಾರು ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕಿ ಅನಿತಾ ಪಿಂಟೊ ದಂಪತಿ ಪುತ್ರಿ.