ಮಟ್ಕಾ: ಇಬ್ಬರು ಆರೋಪಿಗಳ ಬಂಧನ

ಉಳ್ಳಾಲ: ತಾಲ್ಲೂಕಿನ ಪೆರ್ಮನ್ನೂರು ಗ್ರಾಮದ ತೊಕ್ಕೊಟ್ಟು ಮೇಲ್ಸೇತುವೆ ಬಳಿಯ ಗೂಡಂಗಡಿ ಬಳಿ ಮಟ್ಕಾ ಜೂಜಿಗೆ ಜನರಿಂದ ಹಣ ಪಡೆಯುತ್ತಿದ್ದ ಇಬ್ಬರು ಆರೋಪಿಗಳನ್ನು ಉಳ್ಳಾಲ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

‘ತೊಕ್ಕೊಟ್ಟು ಯುನಿಟಿ ಹಾಲ್ ಬಳಿಯ ಕೆರೆಬೈಲ್ ಹೌಸ್ ನಿವಾಸಿ ಉರ್ಮಾನ್ ಆಪ್ಪೂಸ್ ( 55 ವರ್ಷ) ಹಾಗೂ ಸೋಮೇಶ್ವರ, ಪ್ರಕಾಶ್ ನಗರದ ಪಿಲಾರ್ನ ಇಲ್ಯಾಸ್ (52 ವರ್ಷ)ಬಂಧಿತರು. ಆರೋಪಿಗಳಿಂದ ₹ 2,990 ವಶಪಡಿಸಿಕೊಳ್ಳಲಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.