ಪ್ರಜಾವಾಣಿ ಕ್ವಿಜ್: ಭಾವ್ ಶೆಟ್ಟಿ ಮತ್ತು ಧ್ರುಹನ್ ಷಾ ಫೈನಲ್‌ ಸುತ್ತಿಗೆ ಪ್ರವೇಶ

ಮಂಗಳೂರು: ಮಂಗಳೂರು ವಿಭಾಗ ಮಟ್ಟದ ಪ್ರಜಾವಾಣಿ ಕ್ವಿಜ್ ಚಾಂಪಿಯನ್ ಷಿಪ್ ಸ್ಪರ್ಧೆಯಲ್ಲಿ ಬ್ರಹ್ಮಾವರದ ಲಿಟ್ಲ್ ರಾಕ್ ಇಂಡಿಯನ್ ಶಾಲೆಯ ಪ್ರಭಾವ್ ಶೆಟ್ಟಿ ಮತ್ತು ಧ್ರುಹನ್ ಷಾ ಪ್ರಥಮ ಸ್ಥಾನ ಪಡೆದಿದ್ದು, ಫೈನಲ್ ಗೆ ಆಯ್ಕೆಯಾಗಿದ್ದಾರೆ.

ಮಂಗಳೂರಿನ ಶಾರದಾ ವಿದ್ಯಾಲಯದ ಪನ್ನಗ ಡಿ. ಮತ್ತು ನಿಷ್ಕಲ್ ರಾವ್ ತಂಡ ಎರಡನೇ ಸ್ಥಾನ ಪಡೆಯಿತು. ಅಮೃತ ವಿದ್ಯಾಲಯದ ಸಿದ್ಧಾರ್ಥ್ ಮತ್ತು ಚಿರಾಗ್ ಮೂರನೇ ಸ್ಥಾನ ಪಡೆದರು.

ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ಡಾ.ಆರ್.ಸೆಲ್ವಮಣಿ ಮತ್ತು ಅಂತರರಾಷ್ಟ್ರೀಯ ಕಬಡ್ಡಿ ಪಟು, ಬರೋಡಾ ಬ್ಯಾಂಕ್ ಸಹಾಯಕ ಪ್ರಬಂಧಕ ಉದಯ್ ಚೌಟ ವಿಜೇತರಿಗೆ ಬಹುಮಾನ ವಿತರಿಸಿದರು.