ಸ್ವ ಉದ್ಯೋಗ ತರಬೇತಿ ಜನವರಿ 8ರಿಂದ

ಮಂಗಳೂರು: ಓರಾ ಕ್ಯಾಂಡಲ್ಸ್‌ ತಯಾರಿಸುವ ಲೀಡ್ ಟ್ರೈನಿಂಗ್ ಆ್ಯಂಡ್ ಕಾರ್ಪೊರೇಟ್ ಸೊಲ್ಯೂಷನ್ಸ್‌ ಸಂಸ್ಥೆ ಸ್ವಯಂ ಉದ್ಯೋಗ ತರಬೇತಿ ಕಾರ್ಯಕ್ರಮವನ್ನು ಜನವರಿ 8 ಮತ್ತು 9ರಂದು ಮೈಸೂರಿನ ಧ್ವನ್ಯಾಲೋಕದಲ್ಲಿ ಆಯೋಜಿಸಿದೆ ಎಂದು ಸಂಸ್ಥೆಯ ಸ್ಥಾಪಕಿ ವಿದ್ಯಾ ಕಾಮತ್ ತಿಳಿಸಿದರು.

ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು ಓರಾ ಗ್ರೂಪ್ ಆಫ್ ಇಂಡಸ್ಟ್ರೀಸ್‌ನಲ್ಲಿ 2017ರಿಂದ ಸುಗಂಧಭರಿತ ಮೇಣದ ಬತ್ತಿ ಉತ್ಪಾದನೆ ಕಾರ್ಯ ನಡೆಯುತ್ತಿದ್ದು ಅನೇಕರಿಗೆ ಉದ್ಯೋಗ ತರಬೇತಿ ನೀಡಲಾಗಿದೆ. ಮೇಣದ ಬತ್ತಿಗಳನ್ನು ರಫ್ತು ಕೂಡ ಮಾಡಲಾಗುತ್ತಿದೆ ಎಂದರು.

ತರಬೇತಿ ಪಡೆಯಬಯಸುವವರು 9742472777, 8105222963 ಅಥವಾ 8105222964 ಸಂಪರ್ಕಿಸಬಹುದು ಎಂದು ಅವರು ತಿಳಿಸಿದರು. ಲಾಯ್ಡ್ ಡಿಸೋಜಾ ಮತ್ತು ಅಥೆನಾ ಡಿಸೋಜಾ ಪತ್ರಿಕಾಗೋಷ್ಠಿಯಲ್ಲಿ ಇದ್ದರು.