ಹೊಸದುರ್ಗ: ಭದ್ರಾ ಮೇಲ್ದಂಡೆ ಚಾನೆಲ್‌ನಲ್ಲಿ ಬಿದ್ದು ಯುವಕ ಸಾವು

ಹೊಸದುರ್ಗ: ತಾಲ್ಲೂಕಿನ ಬಿ.ವಿ. ನಗರದ ಸಮೀಪ ಭದ್ರಾ ಮೇಲ್ದಂಡೆ ಚಾನೆಲ್ ಬಳಿ ಕುರಿಗಳಿಗೆ ನೀರು ಕುಡಿಸಲು ಹೋಗಿ ಆಕಸ್ಮಿಕವಾಗಿ ಬಿದ್ದು ಯುವಕ ಮೃತಪಟ್ಟಿದ್ದಾನೆ.

ಮಾಡದಕೆರೆ ಹೋಬಳಿಯ ದೊಡ್ಡತಿಮ್ಮಯ್ಯನಹಟ್ಟಿ ಗ್ರಾಮದ ಮಂಜುನಾಥ (25) ಮೃತ ಯುವಕ. ಇವರು ಶನಿವಾರ ಸಂಜೆ ಕುರಿಗಳಿಗೆ ನೀರು ಕುಡಿಸಲು ಹೋದಾಗ ಘಟನೆ ನಡೆದಿದೆ. ಭಾನುವಾರ ಬೆಳಿಗ್ಗೆ ಗೊತ್ತಾಗಿದೆ.

ಹೊಸದುರ್ಗ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.