ದಾವಣಗೆರೆ ಸ್ಮಾರ್ಟ್‌ ಸಿಟಿಗೆ ವಿಶ್ವದಲ್ಲಿ 15ನೇ ಸ್ಥಾನ: ರವೀಂದ್ರ ಮಲ್ಲಾಪುರ

ದಾವಣಗೆರೆ: ರೋಲ್ಯಾಂಡ್ ಬರ್ಗರ್ ಸಂಸ್ಥೆ ನಡೆಸಿದ ಅಧ್ಯಯನದ ಪ್ರಕಾರ ದಾವಣಗೆರೆಯು ವಿಶ್ವದ ಸ್ಮಾರ್ಟ್ ಸಿಟಿಗಳಲ್ಲಿ 15ನೇ ಸ್ಥಾನ ಪಡೆದಿದೆ. ಈ ವರದಿ ಸ್ಮಾರ್ಟ್‌ ಸಿಟೀಸ್ ಮಿಷನ್ ಮಾಸಿಕ ಬುಲೆಟಿನ್–ಏಪ್ರಿಲ್ 2021ರಲ್ಲಿ ಪ್ರಕಟವಾಗಿದೆ ಎಂದು ಸಂಸದ ಜಿ.ಎಂ.ಸಿದ್ದೇಶ್ವರ ಹಾಗೂ ಸ್ಮಾರ್ಟ್‌ ಸಿಟಿ ವ್ಯವಸ್ಥಾಪಕ ನಿರ್ದೇಶಕ ರವೀಂದ್ರ ಮಲ್ಲಾಪುರ ತಿಳಿಸಿದ್ದಾರೆ.

ಸೋಮವಾರ ಸ್ಮಾರ್ಟ್‌ ಸಿಟಿ ಯೋಜನೆಯ ಕಾಮಗಾರಿಗಳನ್ನು ವೀಕ್ಷಿಸಿದ ಬಳಿಕ ಅವರು ಸುದ್ದಿಗಾರರಿಗೆ ಮಾಹಿತಿ ನೀಡಿದರು.

ಸ್ಮಾರ್ಟ್‌ ಸಿಟಿ ನಗರಗಳಲ್ಲಿ ಅವರು ಅಧ್ಯಯನ ನಡೆಸಿದ್ದಾರೆ. ಭಾರತದಲ್ಲಿ ದಾವಣಗೆರೆ ಮಾತ್ರ ಸ್ಥಾನ ಪಡೆದಿದೆ ಎಂದು ವಿವರಿಸಿದರು.