ಪರಿಸರ ಸ್ನೇಹಿ ಬಣ್ಣ ಹಚ್ಚಿಕೊಂಡು ಜಾಗೃತಿ

ಕಲಘಟಗಿ: ಹೋಳಿಹುಣ್ಣಿಮೆ ಅಂಗವಾಗಿ ಯುವಕನೊಬ್ಬ ತನ್ನ ಮೈಮೇಲೆ ಪರಿಸರದ ಹೋಳಿ ಬಣ್ಣ ಹಚ್ಚಿಕೊಂಡು ಜಾಗೃತಿ ಮೂಡಿಸಿದ್ದು ಗಮನ ಸೆಳೆಯಿತು.

ಕಲಘಟಗಿಯ ಕಲ್ಮೇಶ ಸೊಬರದ ಎಂಬುವರು ಪರಿಸರ ಪ್ರೇಮಿಯಾಗಿದ್ದು, ರೈಲ್ವೆ ಇಲಾಖೆಯಲ್ಲಿ ಕೆಲಸ ನಿರ್ವಹಿಸುತ್ತಾರೆ. ಪರಿಸರ ಉಳಿಸಿ, ಬೆಳೆಸುವ ಕುರಿತು ಜಾಗೃತಿ ಮೂಡಿಸುತ್ತಿದ್ದಾರೆ.

‘ಈಗಿನ ಪರಿಸ್ಥಿತಿಯಲ್ಲಿ ದಿನದಿಂದ ದಿನಕ್ಕೆ ಬಿಸಿಲಿನ ತಾಪಮಾನ ಹೆಚ್ಚುತ್ತಿದೆ. ಪರಿಸರ ಸಂರಕ್ಷಣೆ, ಪ್ರಾಣಿ ಜೀವ ಸಂಕುಲ ಉಳಿಯಲು ಎಲ್ಲರೂ ಸಸಿ ನೆಟ್ಟು ಪರಿಸರ ಬೆಳಸಬೇಕು’ ಎಂದರು.