‘ದಿ ಕಾಶ್ಮೀರ್ ಫೈಲ್ಸ್‌’ ನಿಷೇಧಕ್ಕೆ ಆಗ್ರಹ

ಹುಬ್ಬಳ್ಳಿ: ‘ದಿ ಕಾಶ್ಮೀರ ಫೈಲ್ಸ್‌ ಸಿನಿಮಾ ಸಮಾಜದ ಸ್ವಾಸ್ಥ್ಯ ಹಾಳು ಮಾಡುತ್ತಿದ್ದು, ಚಿತ್ರವನ್ನು ನಿಷೇಧಿಸಬೇಕು’ ಎಂದು ಹಿಂದೂ–ಮುಸ್ಲಿಂ ಗೆಳೆಯರ ಬಳಗದ ಅಶ್ಪಾಕ್‌ ಎಂ.ಕುಮಟಾಕರ ಆಗ್ರಹಿಸಿದರು.

ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ‘ಈ ಚಿತ್ರದಿಂದ ಹಿಂದೂ–ಮುಸ್ಲಿಮರ ನಡುವೆ ದ್ವೇಷದ ಭಾವನೆ ಸೃಷ್ಟಿಯಾಗುತ್ತಿದೆ. ಅಣ್ಣ–ತಮ್ಮಂದಿರಂತೆ ಬಾಳಿ ಬದುಕುತ್ತಿದ್ದವರು ಈ ಸಿನಿಮಾದ ಪ್ರೇರಣೆಯಿಂದ ದ್ವೇಷದಲ್ಲಿ ಬದುಕುವಂತಾಗಿದೆ. ಜಾತಿ, ಧರ್ಮಕ್ಕಿಂತ ದೇಶ ಮುಖ್ಯವಾಗಿದೆ’ ಎಂದರು.

‘ಈ ಚಿತ್ರದಿಂದ ಸಾಕಷ್ಟು ಮನಸ್ಸುಗಳು ಒಡೆದು ಹೋಗಿವೆ. ಆದರೆ, ನಿರ್ಮಾಪಕರು ಮಾತ್ರ ಸಾವಿರಾರು ಕೋಟಿ ಹಣ ಗಳಿಸಿದ್ದಾರೆ. ಚಿತ್ರವನ್ನು ನಿಷೇಧಿಸಬೇಕು’ ಎಂದು ಒತ್ತಾಯಿಸಿದರು.

ಬಳಗದ ಮುಖಂಡರಾದ ಪ್ರವೀಣ ಕಟ್ಟಿ, ಪುಷ್ಪರಾಜಹಳ್ಳಿ ಇದ್ದರು.