ಧಾರವಾಡ | ಬಾಲಕಿ ಸಾವು; ಡೆಂಗಿ ಶಂಕೆ

ಧಾರವಾಡ: ಶಂಕಿತ ಡೆಂಗಿ ಜ್ವರದಿಂದಾಗಿ ಹುಬ್ಬಳ್ಳಿಯ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದ ಕುಂದಗೋಳ ತಾಲ್ಲೂಕಿನ ಹಿರೇನರ್ತಿಯ ಐದು ವರ್ಷದ ಬಾಲಕಿ ಪೂರ್ಣಾ ಶುಕ್ರವಾರ ತಡರಾತ್ರಿ ಮೃತಪಟ್ಟಿದ್ದಾರೆ.

‘ಇದು ಶಂಕಿತ ಡೆಂಗಿ ಪ್ರಕರಣ. ಎನ್‌ಎಸ್‌1 ಪರೀಕ್ಷೆಯಲ್ಲಿ ಡೆಂಗಿ ಕಂಡುಬಂದಿದೆ. ಐಜಿಎಂ ಪರೀಕ್ಷೆಯಲ್ಲಿ ದೃಢಪಟ್ಟಿಲ್ಲ. ಬಾಲಕಿ ಟೈಫಾಯ್ಡ್‌ನಿಂದಲೂ ಬಳಲುತ್ತಿದ್ದರು’ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಶಶಿ ಪಾಟೀಲ ‘ಪ್ರಜಾವಾಣಿ’ಗೆ ತಿಳಿಸಿದರು.

ಬಾಲಕಿಗೆ ಕೆಲ ದಿನಗಳಿಂದ ಜ್ವರ ಇತ್ತು. ಪೋಷಕರು ಊರಿನಲ್ಲಿ ಚಿಕಿತ್ಸೆ ಕೊಡಿಸಿದ್ದರು. ಗುಣಮುಖವಾಗದ ಕಾರಣ ಹೆಚ್ಚಿನ ಚಿಕಿತ್ಸೆಗೆ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದರು.