ಧಾರವಾಡ | ಮಳೆ; ಗುಡುಗು–ಮಿಂಚಿನ ಆರ್ಭಟ

ಧಾರವಾಡ: ನಗರದಲ್ಲಿ ಮಂಗಳವಾರ ಮಳೆ ಸುರಿಯಿತು. ಕೆಎಂಎಫ್‌, ಎನ್‌ಟಿಟಿಎಫ್‌ ಮುಂಭಾಗದ  ರಸ್ತೆಯಲ್ಲಿ ನೀರು ಆವರಿಸಿ ಕೆಲ ಹೊತ್ತು ಸಂಚಾರಕ್ಕೆ ತೊಡಕಾಗಿತ್ತು.

ಗುಡುಗು, ಮಿಂಚಿನ ಆರ್ಭಟ ಜೋರಾಗಿತ್ತು. ಗಾಳಿಯ ರಭಸ ಇತ್ತು. ಕೆಲವೆಡೆ ಚರಂಡಿಗಳ ನೀರು ರಸ್ತೆಗೆ ಹೊರಳಿತ್ತು. ನಗರದ ಕೆಲವೆಡೆ ವಿದ್ಯುತ್‌ ಪೂರೈಕೆ ಕಡಿತವಾಗಿತ್ತು.

ತಾಲ್ಲೂಕಿನ ಉಪ್ಪಿನಬೆಟಗೇರಿ ಗ್ರಾಮದ ಮಾರುಕಟ್ಟೆ ರಸ್ತೆ, ಗ್ರಾಮದೇವಿ ದೇಗುಲ ಭಾಗದಲ್ಲಿ ಚರಂಡಿ ನೀರು ರಸ್ತೆಗೆ, ತಗ್ಗು ಭಾಗದಲ್ಲಿನ ಮನೆಗಳಿಗೆ ನುಗ್ಗಿತ್ತು.