ವೀರಶೈವ ಲಿಂಗಾಯತ ಒಳಪಂಗಡಗಳಿಗೆ ಒಂದೇ ಮೀಸಲಾತಿ ಸಿಗಲಿ: ವಚನಾನಂದ ಶ್ರೀ

ಹುಬ್ಬಳ್ಳಿ: ‘ವೀರಶೈವ ಲಿಂಗಾಯತ ಸಮುದಾಯದ ಎಲ್ಲಾ ಒಳಪಂಗಡಗಳಿಗೆ ಒಂದೇ ಮೀಸಲಾತಿ ಸಿಕ್ಕಾಗ ಎಲ್ಲರಿಗೂ ಸಾಮಾಜಿಕ ನ್ಯಾಯ ಸಿಗುತ್ತದೆ’ ಎಂದು ಹರಿಹರದ ವೀರಶೈವ ಲಿಂಗಾಯತ ಪಂಚಮಸಾಲಿ ಪೀಠದ ವಚನಾನಂದ ಸ್ವಾಮೀಜಿ ಹೇಳಿದರು. 

‘ ಹಿಂದೆ ಬಿಜೆಪಿ ಸರ್ಕಾರ ವೀರಶೈವ ಲಿಂಗಾಯತ ಸಮುದಾಯಕ್ಕೆ 2ಡಿ ಘೋಷಿಸಿದಾಗ, ನಾವು ಒಪ್ಪಿರಲಿಲ್ಲ. ಅದು ನ್ಯಾಯಾಲಯದ ಅಂಗಳದಲ್ಲಿದೆ’ ಎಂದು ಮಂಗಳವಾರ ತಿಳಿಸಿದರು.

ಸುದ್ದಿಗಾರರ ಜೊತೆಗೆ ಮಾತನಾಡಿದ ಅವರು, ‘ಕೂಡಲಸಂಗಮದಲ್ಲಿನ ಪೀಠದ ಸಮಸ್ಯೆಯನ್ನು ನಮ್ಮ ಸಮುದಾಯದ ಹಿರಿಯರು ಬಗೆಹರಿಸುವರು’ ಎಂದರು.