ಗದಗ: ಸಾಲಬಾಧೆ, ರೈತ ಆತ್ಮಹತ್ಯೆ

ಲಕ್ಷ್ಮೇಶ್ವರ: ಸಮೀಪದ ಪುಟಗಾಂವ್ ಬಡ್ನಿ ಗ್ರಾಮದಲ್ಲಿ ಸಾಲಬಾಧೆ ತಾಳದೆ ಮನನೊಂದ ರೈತರೊಬ್ಬರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಸೋಮವಾರ ನಡೆದಿದೆ.

ರಂಗಪ್ಪ ಹನಮಂತಪ್ಪ ಕೊಪ್ಪದ (58) ಮೃತ ರೈತ.

ಸದರಿ ರೈತನಿಗೆ ಐದು ಎಕರೆ ಹೊಲ ಇದ್ದು ಇವರು ಲಕ್ಷ್ಮೇಶ್ವರದ ಎಸ್‍ಬಿಎಂ (ಎಸ್‍ಬಿಆಯ್) ಬ್ಯಾಂಕಿನಲ್ಲಿ ₹3 ಲಕ್ಷ ಸಾಲ ಮಾಡಿದ್ದಾರೆ ಎಂದು ಗೊತ್ತಾಗಿದೆ.

ಸಾಂತ್ವನ: ಶಾಸಕ ರಾಮಣ್ಣ ಲಮಾಣಿ ಘಟನಾ ಸ್ಥಳಕ್ಕೆ ಭೇಟಿ ನೀಡಿ ರೈತನ ಕುಟುಂಬದ ಸದಸ್ಯರಿಗೆ ಸಾಂತ್ವನ ಹೇಳಿದರು.