ಗದಗ: ಯೋಜನಾ ಎಂಜಿನಿಯರ್‌ ಆತ್ಮಹತ್ಯೆ

ಗದಗ: ನಿರ್ಮಿತಿ ಕೇಂದ್ರದಲ್ಲಿ ಗುತ್ತಿಗೆ ಆಧಾರದಲ್ಲಿ ಯೋಜನಾ ಎಂಜಿನಿಯರ್‌ ಆಗಿದ್ದ ಶಂಕರಗೌಡ ಪಾಟೀಲ ಎಂಬುವರು ನಗರದ ಲಾಡ್ಜ್‌ನಲ್ಲಿ ಶುಕ್ರವಾರ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

‘ಬಸ್ ನಿಲ್ದಾಣ ಸಮೀಪದ ಲಾಡ್ಜ್‌ನಲ್ಲಿ ಕೊಠಡಿ ಬಾಡಿಗೆ ಪಡೆದ ಶಂಕರಗೌಡ ಪಾಟೀಲ ಅವರು ಹಲವು ಗಂಟೆಗಳಾದರೂ ಹೊರಬರಲಿಲ್ಲ. ಸಂಶಯದಿಂದ ಲಾಡ್ಜ್ ಸಿಬ್ಬಂದಿ ಪರಿಶೀಲಿಸಿದಾಗ, ಆತ್ಮಹತ್ಯೆ ವಿಷಯ ಗೊತ್ತಾಗಿದೆ. ತನಿಖೆ ಪ್ರಗತಿಯಲ್ಲಿದೆ’ ಎಂದು ಬೆಟಗೇರಿ ಬಡಾವಣೆ ಠಾಣೆ ಪೊಲೀಸರು ತಿಳಿಸಿದ್ದಾರೆ.