ನರೇಗಲ್:‌ ಉತ್ತಮ ಮಳೆ

ನರೇಗಲ್:‌ ಪಟ್ಟಣದಲ್ಲಿ ಹಾಗೂ ಹೋಬಳಿಯ ವ್ಯಾಪ್ತಿಯಲ್ಲಿ ಬುಧವಾರ ರಾತ್ರಿ 2 ಗಂಟೆಯಿಂದ 4 ಗಂಟೆಯವರೆಗೆ ಉತ್ತಮ ಮಳೆಯಾಗಿದೆ. ಬೆಳಿಗ್ಗೆ ಮೋಡ ಕವಿದ ವಾತಾವರಣವಿತ್ತು ನಂತರ ಮಧ್ಯಾಹ್ನ ಬಿಸಿಲಿನ ಪ್ರಮಾಣವು ಅಧಿಕವಾಗಿತ್ತು. ಸಂಜೆ ವೇಳೆ ಆರಂಭವಾದ ಮಳೆಯ ವಾತಾವರಣ ರಾತ್ರಿ 1 ಗಂಟೆಗೆ ಜಿಟಿಜಿಟಿಯಾಗಿ ಬಂದಿದೆ. ನಂತರ ಜೋರಾಗಿ ಎರಡು ತಾಸು ಸುರಿದಿದೆ.

ಬಹಳ ದಿನಗಳ ನಂತರ ಮಳೆ ಕಂಡ ರೈತರು ಹರ್ಷ ವ್ಯಕ್ತಪಡಿಸಿದರು. ಹಿಂಗಾರು ಬೆಳೆಗಳಾದ ಕಡಲೆ, ಜೋಳ, ಗೋಧಿ, ಕುಸುಬಿ ಸೇರಿದಂತೆ ಅನೇಕ ಬೆಳೆಗಳು ಭೂಮಿಯಲ್ಲಿ ತೇವಾಂಶವಿಲ್ಲದೆ ನೆಲಬಿಟ್ಟು ಮೇಲೆಳುತ್ತಿರಲಿಲ್ಲ. ಆದರೆ ಈಗ ಸುರಿದ ಮಳೆ ಬೆಳೆಗಳಿಗೆ ಅನಕೂಲಕರವಾಗಿದೆ. ಇದೇ ರೀತಿ ಮೂರ್ನಾಲ್ಕು ಮಳೆಯಾದರೆ ಹಿಂಗಾರಿಗೆ ಅನಕೂಲವಾಗಲಿದೆ ಎಂದು ರೈತರಾದ ಶರಣಪ್ಪ ಗುತ್ತೂರ, ಬಸವರಾಜ ತಳವಾಳ, ಶರಣಪ್ಪ ಕೊಂಡಿ ತಿಳಿಸಿದರು.