ಹಾವೇರಿ: ಜಿಲ್ಲೆಯಲ್ಲಿ ಕೋವಿಡ್ ಮೊದಲ ಲಸಿಕೆಯನ್ನು ಶೇ 69 ಮಂದಿ ಮತ್ತು ಎರಡನೇ ಲಸಿಕೆಯನ್ನು ಶೇ 52 ಮಂದಿ ಪಡೆದಿದ್ದಾರೆ. 60 ವರ್ಷ ಮೇಲ್ಪಟ್ಟ 290 ಹಿರಿಯ ನಾಗರಿಕರು ಕೋವಿಡ್ ಲಸಿಕೆಯನ್ನು ಹಾಕಿಸಿಕೊಂಡಿದ್ದಾರೆ.
ಮೊದಲ ಹಂತದಲ್ಲಿ ಮೊದಲ ಲಸಿಕೆಯನ್ನು 6981 ಸರ್ಕಾರಿ ವೈದ್ಯಕೀಯ ಸಿಬ್ಬಂದಿ ಮತ್ತು 1673 ಖಾಸಗಿ ವೈದ್ಯಕೀಯ ಸಿಬ್ಬಂದಿ ಸೇರಿದಂತೆ ಒಟ್ಟು 8509 ಸಿಬ್ಬಂದಿಗೆ ಲಸಿಕೆ ಹಾಕುವ ಗುರಿ ಹೊಂದಲಾಗಿತ್ತು. ಇದುವರೆಗೆ ಶೇ 69 ಸಿಬ್ಬಂದಿ ಮಾತ್ರ ಲಸಿಕೆ ಪಡೆದಿದ್ದಾರೆ.
ಬ್ಯಾಡಗಿ–ಶೇ 81, ಹಾನಗಲ್–ಶೇ 64, ಹಾವೇರಿ– ಶೇ 75, ಹಿರೇಕೆರೂರು– ಶೇ 82, ರಾಣೆಬೆನ್ನೂರು– ಶೇ 65, ಸವಣೂರು– ಶೇ 53 ಹಾಗೂ ಶಿಗ್ಗಾವಿ ತಾಲ್ಲೂಕಿನಲ್ಲಿ ಶೇ 58 ವೈದ್ಯಕೀಯ ಸಿಬ್ಬಂದಿ ಲಸಿಕೆ ಪಡೆದಿದ್ದಾರೆ.
ಎರಡನೇ ಲಸಿಕೆಯನ್ನು ಶೇ 52 ಮಂದಿ ಮಾತ್ರ ಪಡೆದಿದ್ದಾರೆ. ಬ್ಯಾಡಗಿ– ಶೇ 56, ಹಾನಗಲ್– ಶೇ 49, ಹಾವೇರಿ– ಶೇ 41, ಹಿರೇಕೆರೂರು– ಶೇ 51, ರಾಣೆಬೆನ್ನೂರು– ಶೇ 64, ಸವಣೂರು– ಶೇ 53 ಹಾಗೂ ಶಿಗ್ಗಾವಿ ತಾಲ್ಲೂಕಿನಲ್ಲಿ ಶೇ 55 ಮಂದಿ ಲಸಿಕೆ ಹಾಕಿಸಿಕೊಂಡಿದ್ದಾರೆ.
ಜಿಲ್ಲೆಯಲ್ಲಿ 5932 ಫ್ರಂಟ್ಲೈನ್ ವರ್ಕರ್ಗಳ ಲಸಿಕೆ ಹಾಕುವ ಗುರಿ ಹೊಂದಲಾಗಿತ್ತು. ಅದರಲ್ಲಿ ಇದುವರೆಗೆ 2952 ಮಂದಿ ಅಂದರೆ ಶೇ 50 ಮಂದಿ ಲಸಿಕೆ ಹಾಕಿಸಿಕೊಂಡಿದ್ದಾರೆ.ಬ್ಯಾಡಗಿ– ಶೇ 45, ಹಾನಗಲ್– ಶೇ 34, ಹಾವೇರಿ–ಶೇ 49, ಹಿರೇಕೆರೂರು– ಶೇ 37, ರಾಣೆಬೆನ್ನೂರು– ಶೇ 46, ಸವಣೂರು– ಶೇ 49 ಹಾಗೂ ಶಿಗ್ಗಾವಿ ತಾಲ್ಲೂಕಿನಲ್ಲಿ ಶೇ 71 ಮಂದಿ ಲಸಿಕೆ ಹಾಕಿಸಿಕೊಂಡಿದ್ದಾರೆ.
ಎರಡನೇ ಹಂತದಲ್ಲಿ 290 ಹಿರಿಯ ನಾಗರಿಕರು ಹಾಗೂ 45ರಿಂದ 60 ವರ್ಷದೊಳಗಿನ ಗಂಭೀರ ಕಾಯಿಲೆ ಎದುರಿಸುತ್ತಿರುವ 64 ಮಂದಿ ಕೋವಿಡ್ ಲಸಿಕೆ ಪಡೆದಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.