ಪತಿ, ಪುತ್ರನಿಗೆ ಕೊರೊನಾ: ಕೆರೆಗೆ ಬಿದ್ದು ಮಹಿಳೆ ಆತ್ಮಹತ್ಯೆ

ಕಲಬುರ್ಗಿ: ಪತಿ ಹಾಗೂ ಪತ್ರನಿಗೆ ಕೊರೊನಾ ಸೋಂಕು ತಗುಲಿದ್ದರಿಂದ ಭಯಗೊಂಡ ಮಹಿಳೆಯೊಬ್ಬರು ಇಲ್ಲಿನ ಶರಣಬಸವೇಶ್ವರ ಕೆರೆಗೆ ಬಿದ್ದು ಗುರುವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಸೇಡಂ ಪಟ್ಟಣದ ನಿವಾಸಿ ಇಂದೂಬಾಯಿ (56) ಆತ್ಮಹತ್ಯೆಗೆ ಶರಣಾದವರು. ಮೂರು ದಿನಗಳ ಹಿಂದೆ ಅವರ ಪತಿ ಹಾಗೂ ಪತ್ರನಿಗೆ ಕೊರೊನಾ ಪಾಸಿಟಿವ್‌ ಬಂದಿದ್ದು, ನಗರದ ಬಸವೇಶ್ವರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪತಿ ಆರೋಗ್ಯದಲ್ಲಿ ಏರುಪೇರಾಗಿದ್ದು ಅವರಿಗೆ ವೆಂಟಿಲೇಟರ್‌ನಲ್ಲಿ ಚಿಕಿತ್ಸೆ ಮುಂದುವರಿಸಲಾಗಿದೆ.

ಇದರಿಂದ ಭಯಭೀತರಾದ ಮಹಿಳೆ ಮಧ್ಯಾಹ್ನ ಕೆರೆಯಲ್ಲಿ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಬ್ರಹ್ಮಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.