ಮೊರಾರ್ಜಿ ಶಾಲೆ ಶಿಕ್ಷಕರಿಂದ ಮನವಿ ಸಲ್ಲಿಕೆ

ಬಸವಕಲ್ಯಾಣ: ನಗರದಲ್ಲಿ ಶುಕ್ರವಾರ ಉಪ ವಿಭಾಗಾಧಿಕಾರಿ ಮುಕುಲ್ ಜೈನ್ ಅವರಿಗೆ ವಿವಿಧ ಬೇಡಿಕೆಗಳ ಈಡೇರಿಕೆಗಾಗಿ ಆಗ್ರಹಿಸಿ ಮೊರಾರ್ಜಿ ದೇಸಾಯಿ, ಕಿತ್ತೂರರಾಣಿ ಚೆನ್ನಮ್ಮ ವಸತಿ ಶಾಲೆಗಳ ಶಿಕ್ಷಕರು ಮತ್ತು ನೌಕರರಿಂದ ಮನವಿಪತ್ರ ಸಲ್ಲಿಸಲಾಯಿತು.

ಕಾಯಂ ನೌಕರರಿಗೆ ಶೇ 10 ವಿಶೇಷ ಭತ್ಯೆ ನೀಡುವುದು, ಜ್ಯೋತಿ ಸಂಜೀವಿನಿ ಅನುಷ್ಠಾನಗೊಳಿಸಬೇಕು. ಮರಣ ಮತ್ತು ನಿವೃತ್ತಿ ಉಪದಾನ ಸೌಲಭ್ಯ ಒದಗಿಸಬೇಕು. ಮನೆ ಬಾಡಿಗೆ ಕಡಿತದಿಂದ ವಿನಾಯಿತಿ ನೀಡಬೇಕು. ಇಲ್ಲದಿದ್ದರೆ ಜಿಲ್ಲಾಧಿಕಾರಿಗಳ ಕಚೇರಿ ಎದುರಲ್ಲಿ ಧರಣಿ ನಡೆಸಲಾಗುವುದು ಎಂದು ಎಚ್ಚರಿಸಲಾಯಿತು.

ನೌಕರರ ಸಂಘದ ವಿಭಾಗೀಯ ಉಪಾಧ್ಯಕ್ಷ ಅನಿಲ ಕಾಂಬಳೆ, ಜಿಲ್ಲಾ ಮಂಜುನಾಥ ಮಡಿವಾಳ, ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ನಾರಾಯಣ ಹೊನ್ನಾಳೆ, ಪ್ರಧಾನ ಕಾರ್ಯದರ್ಶಿ ರತನರಾಜ ವಾಘಮಾರೆ, ಪ್ರಾಂಶುಪಾಲರಾದ ಶರಣಬಸಪ್ಪ ದಂಡೆ, ಭೀಮರೆಡ್ಡಿ ರಾಸನೆ, ಶಶಿಧರ ಪಾಟೀಲ, ರಾಜಕುಮಾರ ಹೂಗಾರ, ರಾಘವೇಂದ್ರ, ಸಾದತ್ ಅಲಿ, ದುಷ್ಯಂತ ಜಾಧವ, ಪ್ರತಿಭಾ ಪಾಟೀಲ, ಪಂಡಿತಾ ಬಿರಾದಾರ, ಮಂಜುಳಾ ಭಂಗೂರ ಉಪಸ್ಥಿತರಿದ್ದರು.