ಕಾಳಗಿ: ಸದ್ಗುರುನಾಥ ಆರಾಧನೆ

ಕಾಳಗಿ: ಪಟ್ಟಣದ ಕಲಬುರಗಿ ರಸ್ತೆ ಮಾರ್ಗದ ಸದ್ಗುರುನಾಥ ದೇವಸ್ಥಾನದಲ್ಲಿ ಗುರುವಾರ (ಮೇ 22) ಆರಾಧನೆ ಜರುಗಲಿದೆ ಎಂದು ಸಮಿತಿ ಅಧ್ಯಕ್ಷ ಸುರೇಶ ಅಷ್ಟಗಿ ತಿಳಿಸಿದ್ದಾರೆ.

ಸಂಜೆ 4 ಗಂಟೆಗೆ ಗದ್ದುಗೆಗೆ ವಿಶೇಷ ಪೂಜೆ, ಅಭಿಷೇಕ ನೆರವೇರಲಿದೆ. 6 ಗಂಟೆಗೆ ಅರ್ಚಕ ಶರಣಪ್ಪ ಆಚಾರಿ ಮನೆಯಿಂದ ಪಲ್ಲಕ್ಕಿ ಮೆರವಣಿಗೆ ಹೊರಟು ದೇವಸ್ಥಾನ ತಲುಪಲಿದೆ.

ಬಳಿಕ 2.5ಕ್ವಿಂಟಲ್ ಮಾಲದಿ ಪ್ರಸಾದ ವಿತರಣೆ ನಡೆಯಲಿದೆ. ತದನಂತರದಲ್ಲಿ ಭಜನೆ ಕಾರ್ಯಕ್ರಮ ಜರುಗಲಿದೆ ಎಂದು ತಿಳಿಸಿದ್ದಾರೆ.