ವಿರಾಜಪೇಟೆ | ಬೈಕ್ ಡಿಕ್ಕಿ : ಬಾಲಕ ಸಾವು

ವಿರಾಜಪೇಟೆ: ಬೈಕ್ ಡಿಕ್ಕಿ ಹೊಡೆದು ಪುಟ್ಟ ಬಾಲಕನೊಬ್ಬ ಮೃತಪಟ್ಟ ಘಟನೆ ಸಮೀಪದ ಬಿಳುಗುಂದ ಪಂಚಾಯಿತಿ ವ್ಯಾಪ್ತಿಯ ನಲ್ವತೋಕ್ಲುವಿನಲ್ಲಿ ನಡೆದಿದೆ.

ನಲ್ವತೊಕ್ಲು ಗ್ರಾಮ ನಿವಾಸಿ ಡಿ.ಎ. ಹನೀಫ ಎಂಬುವವರ ಪುತ್ರ ಮಹಮ್ಮದ್ ಅಫ್ನಾಸ್ (8) ಮೃತ ಬಾಲಕ. ವಿರಾಜಪೇಟೆ ಪಟ್ಟಣದ ವಿದ್ಯಾಸಂಸ್ಥೆಯೊಂದರಲ್ಲಿ 3ನೇ ತರಗತಿ ಓದುತಿದ್ದ ಮಹಮ್ಮದ್ ಅಫ್ನಾಸ್ಗೆ ಮನೆಯ ಬಳಿ ಬೈಕೊಂದು ಡಿಕ್ಕಿ ಹೊಡೆದ ಪರಿಣಾಮ ಗಂಭೀರವಾಗಿ ಗಾಯಗೊಂಡಿದ್ದ. ವಿರಾಜಪೇಟೆಯ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿನ ಆಸ್ಪತ್ರೆಗೆ ಕರೆದೊಯ್ಯುವ ಸಂದರ್ಭ ಬಾಲಕ ಮೃತಪಟ್ಟಿದ್ದಾನೆ. ಬೈಕ್ ಸವಾರನ ವಿರುದ್ಧ ವಿರಾಜಪೇಟೆಯ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.