ಕುಂಡ್ಯೋಳಂಡ ಕಪ್ ಹಾಕಿ ಟೂರ್ನಿ: ಮೇರಿಯಂಡ ತಂಡಕ್ಕೆ ಜಯ

ನಾಪೋಕ್ಲು (ಕೊಡಗು ಜಿಲ್ಲೆ): ಮೇರಿಯಂಡ ತಂಡವು ಇಲ್ಲಿನ ಚೆರಿಯಪರಂಬುವಿನ ಜನರಲ್ ಕೆ.ಎಸ್ ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಕುಂಡ್ಯೋಳಂಡ ಕಪ್ ಹಾಕಿ ಟೂರ್ನಿಯ ಪಂದ್ಯದಲ್ಲಿ 4-1 ಅಂತರದಿಂದ ಬಾರಿಯಂಡ ವಿರುದ್ಧ ಜಯ ಸಾಧಿಸಿತು.

ಸಮಬಲದ ಹೋರಾಟ ನಡೆಸಿದ ಸೋಮಯಂಡ ಮತ್ತು ಮಾತ್ರಂಡ ತಂಡಗಳ ಆಟಗಾರರು ಪ್ರೇಕ್ಷಕರನ್ನು ತುದಿಗಾಲಿನಲ್ಲಿ ನಿಲ್ಲಿಸಿದರು. ಬಳಿಕ ಪೆನಾಲ್ಟಿ ಶೂಟ್‌ಔಟ್‌ನಲ್ಲಿ ಮಾತ್ರಂಡ ತಂಡವು 5–3 ಅಂತರದಿಂದ ಜಯ ದಾಖಲಿಸಿತು.

ಚೇಂದೀರ ಚೇತನ್ ಅವರು ಕೇವಲ 2 ನಿಮಿಷಗಳ ಅಂತರದಲ್ಲಿ ಗಳಿಸಿದ ಸತತ 2 ಗೋಲುಗಳ ನೆರವಿನಿಂದ ಚೇಂದೀರ ತಂಡವು ಮಾದಂಡ ತಂಡದ ವಿರುದ್ಧ 4–0 ಅಂತರದಿಂದ ಗೆದ್ದಿತು.

ಸಣ್ಣುವಂಡ ತಂಡವು 3-0ಯಿಂದ ಐಚಂಡ ವಿರುದ್ಧ; ಕನ್ನಂಡ ತಂಡವು 2-1ರಿಂದ ಕುಟ್ಟಂಡ ವಿರುದ್ಧ; ಕೊಳ್ಳಿರ ತಂಡವು 1-0ಯಿಂದ ಮುಂಡಚಾಡಿರ ವಿರುದ್ಧ; ನಂಬುಡಮಾಡ ತಂಡವು 3-1ರಿಂದ ತೀತಿಮಾಡ ವಿರುದ್ಧ; ಕಡೇಮಾಡ ತಂಡವು 2-0ಯಿಂದ ಪಳಂಗಂಡ ವಿರುದ್ಧ; ನಾಪಂಡ ತಂಡವು 3-0ಯಿಂದ ಮನೆಯಪಂಡ ವಿರುದ್ಧ ಗೆಲುವು ಸಾಧಿಸಿದವು.