ನಾಪೋಕ್ಲು: ಚರಂಡಿಗೆ ಬಿದ್ದ ಟಿಪ್ಪರ್

ನಾಪೋಕ್ಲು: ಇಲ್ಲಿಗೆ ಸಮೀಪದ ಮೂರ್ನಾಡು ಬಲಮುರಿ ಸಂಪರ್ಕ ರಸ್ತೆಯಲ್ಲಿ ಶನಿವಾರ ಟಿಪ್ಪರ್ ಚರಂಡಿಗೆ ಉರುಳಿತು.

ಬಲಮುರಿ ಗ್ರಾಮದಿಂದ ಮೂರ್ನಾಡು ಪಟ್ಟಣದತ್ತ ತರಳುತ್ತಿದ್ದ ಟಿಪ್ಪರ್ ಎದುರಿಗೆ ಕಾರು ಬಂದಿದ್ದರಿಂದ ರಸ್ತೆಯ ಬದಿಗೆ ಸರಿದು ಚರಂಡಿಗೆ ಬಿದ್ದಿತು. ಚಾಲಕ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಈ ರಸ್ತೆಯ ಬದಿಯಲ್ಲಿ ವಿಪರೀತ ಕಾಡು ಬೆಳೆದಿರುವುದೇ ಅಪಘಾತಕ್ಕೆ ಕಾರಣ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ. ಕೂಡಲೇ ಕಾಡು ತೆರವುಗೊಳಿಸಿ ಸೂಕ್ತ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದ್ದಾರೆ.