ದಟ್ಟ ಮಂಜು: ಸಂಚಾರಕ್ಕೆ ಅಡಚಣೆ

ಬೆಳಕವಾಡಿ: ಬೆಳಕವಾಡಿ ಸೇರಿದಂತೆ ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಮಂಗಳವಾರ ದಟ್ಟ ಮಂಜು ಆವರಿಸಿ ಜನರು ಪರದಾಡಿದರು.

ಬೋಪ್ಪೇಗೌಡನಪುರ (ಬಿಜಿಪುರ) ಹೋಬಳಿಯ ಬೆಳಕವಾಡಿ, ಹೊಸಹಳ್ಳಿ, ಜವನಗಹಳ್ಳಿ, ಕಿರಗಸೂರು, ಅಂತರಾಯನಪುರ ದೊಡ್ಡಿ, ವಾಸುವಳ್ಳಿ, ದ್ಯಾವಪಟ್ಟಣ, ಕಗ್ಗಲೀಪುರ, ಮುಟ್ಟನಹಳ್ಳಿ, ಪೂರಿಗಾಲಿ, ಸರಗೂರು ಸೇರಿದಂತೆ ವಿವಿಧೆಡೆ ಬೆಳಿಗ್ಗೆ 7ರಿಂದ 9ರವರೆಗೂ ಸೂರ್ಯನ ದರ್ಶನವಾಗಿರಲಿಲ್ಲ.

ಹಾಲು ಹಾಗೂ ದಿನಪತ್ರಿಕೆ ವಿತರಕರು, ಹಾಲು ಉತ್ಪಾದಕರು, ವಾಯು ವಿಹಾರ, ಕೂಲಿ ಕೆಲಸಕ್ಕೆ ಹೋಗುವ ಜನರು ಹಾಗೂ ಪಟ್ಟಣದ ಶಾಲಾ, ಕಾಲೇಜುಗಳ ವಿದ್ಯಾರ್ಥಿಗಳು ಪರದಾಡಿದರು, ವಾಹನ ಸವಾರರಿಗೆ ಲೈಟ್ ಹಾಕಿಕೊಂಡು ಓಡಾಡುವ ಪರಿಸ್ಥಿತಿ ನಿರ್ಮಾಣವಾಗಿತ್ತು.