ಮಳವಳ್ಳಿ: ಚಿರತೆ ದಾಳಿಗೆ ಮೇಕೆ ಬಲಿ

ಮಳವಳ್ಳಿ: ತಾಲ್ಲೂಕಿನ ಚನ್ನಪಿಳ್ಳೆಕೊಪ್ಪಲು ಗ್ರಾಮದ ಹೊರವಲಯದ ಜಮೀನಿನಲ್ಲಿ ಭಾನುವಾರ ರಾತ್ರಿ ಕುರಿ ಮತ್ತು ಮೇಕೆಗಳ ಗುಂಪುಗಳ ಮೇಲೆ ಚಿರತೆ ದಾಳಿ ಮಾಡಿ ಮೇಕೆಯನ್ನು ಕೊಂದು ಹಾಕಿದೆ.

ಗ್ರಾಮದ ಪೊಲೀಸ್ ಮಾದಯ್ಯ ಎಂಬುವವರ ಜಮೀನಿನಲ್ಲಿ ಶಿರಾ ಮೂಲದ ಬೀರೇಶ್ ಎಂಬ ಕುರಿಗಾಯಿ ಸುಮಾರು 600 ಕುರಿ ಮತ್ತು ಮೇಕೆಗಳ ಗುಂಪುಗಳನ್ನು ಕಟ್ಟಿದ್ದರು. ಭಾನುವಾರ ರಾತ್ರಿ ವೇಳೆ ಚಿರತೆ ದಾಳಿ ಮಾಡಿ ಮೇಕೆಯನ್ನು ಕೊಂದು ಹಾಕಿದೆ. ಸ್ಥಳಕ್ಕೆ ಪಶು ವೈದ್ಯಾಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದರು.