ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಜಿಂಕೆ ಬೇಟೆ: ಇಬ್ಬರ ಸೆರೆ

ಹುಣಸೂರು (ಮೈಸೂರು ಜಿಲ್ಲೆ): ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶದ ಆನೆಚೌಕೂರು ಭಂಗಲೆ ಕೂಪು ಅರಣ್ಯದಲ್ಲಿ ಜಿಂಕೆ ಬೇಟೆಯಾಡಿದ್ದ ಇಬ್ಬರನ್ನು ಅರಣ್ಯ ಸಿಬ್ಬಂದಿ ಬಂಧಿಸಿದ್ದಾರೆ. 

ಕೊಡಗು ಮೂಲದ ರೂಪೇಶ್‌, ಅರುಣ್‌ ಮತ್ತು ಜೀವಿತ್‌ ಅರಣ್ಯಕ್ಕೆ ಅಕ್ರಮವಾಗಿ ಪ್ರವೇಶಿಸಿ ಗಂಡು ಜಿಂಕೆ ಬೇಟಿಯಾಡಿದ್ದಾರೆ. ಗಸ್ತಿನಲ್ಲಿದ್ದ ಸಿಬ್ಬಂದಿಗೆ ಗುಂಡಿನ ಶಬ್ದ ಕೇಳುತ್ತಿದ್ದಂತೆ ಸ್ಥಳಕ್ಕೆ ಹೋಗಿದ್ದರಿಂದ ಇಬ್ಬರನ್ನು ವಶಕ್ಕೆ ಪಡೆದಿದ್ದು, ಮತ್ತೊಬ್ಬ ಆರೋಪಿ ಜೀವಿತ್‌  ತಲೆಮರೆಸಿಕೊಂಡಿದ್ದಾನೆ  

‘ಸ್ಥಳದಲ್ಲಿ ಗಂಡು ಜಿಂಕೆ ಕಳೇಬರ, ಬಂದೂಕು, ಮಾಂಸ ಸಾಗಣೆಗೆ ತಂದಿದ್ದ ಕಾರು, ಹೆಡ್‌ ಟಾರ್ಚ್‌, ಜೀವಂತ ಗುಂಡು ವಶಕ್ಕೆ ಪಡೆಯಲಾಗಿದೆ’ ಎಂದು ಎಸಿಎಫ್‌ ಲಕ್ಷ್ಮೀಕಾಂತ್‌ ಮಾಹಿತಿ ನೀಡಿದರು.