ಕೋವಿಡ್‌ ಹಗರಣ | ಸರ್ಕಾರಕ್ಕೆ ಕೆಲಸವಿಲ್ಲ ತನಿಖೆ ಮಾಡಿಸುತ್ತಿದೆ: ಯಡಿಯೂರಪ್ಪ

ಮೈಸೂರು: 'ರಾಜ್ಯ ಸರ್ಕಾರಕ್ಕೆ ಮಾಡಲು ಕೆಲಸವಿಲ್ಲ. ಹೀಗಾಗಿ ತನಿಖೆಗಳನ್ನು ಮಾಡಿಸುತ್ತಾ ಕುಳಿತಿದೆ' ಎಂದು ಬಿಜೆಪಿ ಸಂಸದೀಯ ‌ಮಂಡಳಿ‌ ಸದಸ್ಯ ಬಿ.ಎಸ್.ಯಡಿಯೂರಪ್ಪ ಟೀಕಿಸಿದರು.

ಇಲ್ಲಿ ಖಾಸಗಿ ಕಾರ್ಯಕ್ರಮಕ್ಕೆ ಭಾನುವಾರ ಬಂದಿದ್ದ ಅವರು ಪತ್ರಕರ್ತರೊಂದಿಗೆ ಮಾತನಾಡಿದರು.

'ಕೋವಿಡ್ ನಾಲ್ಕು ವರ್ಷಗಳ ಹಿಂದೆ ಆಗಿರುವ ವಿಚಾರ‌. ಸರ್ಕಾರದವರು ಈಗ ತನಿಖೆ ಮಾಡಿಸುತ್ತೇವೆ ಎನ್ನುತ್ತಿದ್ದಾರೆ. ಮಾಡಿಸಲಿ ಬಿಡಿ' ಎಂದರು.