ಮೈಸೂರು: ಬಸ್‌ ನಿಲ್ದಾಣದ ರಸ್ತೆಗೆ ಡಾಂಬರು

ಮೈಸೂರು: ನಗರದ ಕೇಂದ್ರ ಬಸ್‌ ನಿಲ್ದಾಣದ ಎದುರಿನ ರಸ್ತೆ ದುರಸ್ತಿ ಕಾಮಗಾರಿಗೆ ಮಹಾನಗರಪಾಲಿಕೆ ಕೊನೆಗೂ ಚಾಲನೆ ನೀಡಿದೆ.

‘ಪ್ರಜಾವಾಣಿ’ಯಲ್ಲಿ ಪ್ರಕಟವಾಗುತ್ತಿರುವ ‘ಗುಂಡಿಗಳಲ್ಲೇ ದಸರಾ’ ಸರಣಿಯಿಂದ ಎಚ್ಚೆತ್ತಿರುವ ಅಧಿಕಾರಿಗಳು ಅಲ್ಲಲ್ಲಿ ಡಾಂಬರೀಕರಣ ಕಾಮಗಾರಿಗೆ ಕ್ರಮ ವಹಿಸಿದ್ದಾರೆ. ವಿವಿಧೆಡೆ ಪ್ರಗತಿಯಲ್ಲಿರುವ ಕಾಮಗಾರಿಯನ್ನು ಮೇಯರ್‌ ಶಿವಕುಮಾರ್‌ ಶುಕ್ರವಾರ ವೀಕ್ಷಿಸಿದರು. ದಸರೆಯೊಳಗೆ ಪೂರ್ಣಗೊಳಿಸಿ ಜನರಿಗೆ ಅನುಕೂಲ ಮಾಡಿಕೊಡಬೇಕು ಎಂದು ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು.