ಮೈಸೂರು: ಚಾಮರಾಜೇಂದ್ರ ಮೃಗಾಲಯಕ್ಕೆ ಜರ್ಮನಿ, ಮಲೇಷ್ಯಾ ಹಾಗೂ ಸಿಂಗಪುರದಿಂದ ಹೊಸ ‘ಅತಿಥಿ’ಗಳು ಬಂದಿದ್ದು, ಸಂಭ್ರಮ ನೂರ್ಮಡಿಗೊಂಡಿದೆ.
ಎರಡು ಗೊರಿಲ್ಲಾ ಹಾಗೂ ನಾಲ್ಕು ಒರಾಂಗುಟಾನ್ ಈಚೆಗೆ ಇಲ್ಲಿನ ಕುಟುಂಬಕ್ಕೆ ಸೇರ್ಪಡೆಗೊಂಡಿವೆ.
ಜರ್ಮನಿಯಿಂದ ಎರಡು ಗೊರಿಲ್ಲಾ (ತಾಬೊ–14 ವರ್ಷ, ಡಂಬ–8 ವರ್ಷ) ತರಲಾಗಿದೆ. ಮಲೇಷ್ಯಾದಿಂದ ಎರಡು ಒರಾಂಗುಟಾನ್ (ಅಫಾ–5 ವರ್ಷ, ಮಿನ್ನಿ–7 ವರ್ಷ) ಹಾಗೂ ಸಿಂಗಪುರದಿಂದ ಎರಡು ಒರಾಂಗೂಟಾನ್ (ಮೆರ್ಲಿನ್–17 ವರ್ಷ, ಅಟಿನ–13 ವರ್ಷ) ತರಲಾಗಿದೆ.
ಅತಿ ಬುದ್ಧಿವಂತ ಹಾಗೂ ಅಪರೂಪದ ಒರಾಂಗುಟಾನ್ ಕೋತಿ ಪ್ರಭೇದಕ್ಕೆ ಸೇರಿದ ಪ್ರಾಣಿಯಾಗಿದ್ದು, ಮೃಗಾಲಯದಲ್ಲಿ ಆರೋಗ್ಯವಾಗಿವೆ. ಇವು ಕೂಡ ಚಿಂಪಾಂಜಿ, ಗೊರಿಲ್ಲಾ ಹೋಲುತ್ತವೆ.
‘ಈ ಪ್ರಾಣಿಗಳನ್ನು ಕ್ವಾರಂಟೈನ್ನಲ್ಲಿ ಇಡಲಾಗಿದ್ದು, ಸದ್ಯದಲ್ಲೇ ಸಾರ್ವಜನಿಕರ ವೀಕ್ಷಣೆಗೆ ಬಿಡಲಾಗುತ್ತದೆ’ ಎಂದು ಕರ್ನಾಟಕ ಮೃಗಾಲಯ ಪ್ರಾಧಿಕಾರ ಅಧ್ಯಕ್ಷ ಎಲ್.ಆರ್.ಮಹದೇವಸ್ವಾಮಿ ‘ಪ್ರಜಾವಾಣಿ’ಗೆ ತಿಳಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.