ರಾಯಚೂರು: ಸಾವಿನಲ್ಲೂ ಒಂದಾದ ಕಪಗಲ್ ದಂಪತಿ

ಮಾನ್ವಿ (ರಾಯಚೂರು ಜಿಲ್ಲೆ): ಅನಾರೋಗ್ಯದಿಂದ ಬಳಲುತ್ತಿದ್ದ ಪತ್ನಿ ಮೃತಪಟ್ಟ ಕೆಲವೇ ಗಂಟೆಗಳಲ್ಲಿ ಪತಿಯೂ ಮೃತಪಟ್ಟ ಅಪರೂಪದ ಘಟನೆ ತಾಲ್ಲೂಕಿನ ಕಪಗಲ್ ಗ್ರಾಮದಲ್ಲಿ ಶುಕ್ರವಾರ ನಡೆದಿದೆ.

ಬಿ.ಅಮರಮ್ಮ(57) ಹಾಗೂ ಬಿ.ರಾಜಶೇಖರ (60) ಮೃತಪಟ್ಟ ದಂಪತಿ. ಕೆಲವು ತಿಂಗಳಿಂದ ಪಾರ್ಶ್ವವಾಯು ಕಾಯಿಲೆಯಿಂದ ಬಳಲುತ್ತಿದ್ದ ಬಿ.ಅಮರಮ್ಮ ಗುರುವಾರ (ಮಾ.27 ) ರಾತ್ರಿ ನಿಧನರಾದರು. ಪತ್ನಿಯ ಅಗಲಿಕೆಯಿಂದ  ಆತ್ಮಸ್ಥೆರ್ಯ ಕಳೆದುಕೊಂಡಿದ್ದ ಪತಿ ಬಿ.ರಾಜಶೇಖರ  ಶುಕ್ರವಾರ (ಮಾ.28)ಬೆಳಗಿನ ಜಾವ  ಕೊನೆಯುಸಿರೆಳೆದಿದ್ದಾರೆ.

ಮೃತ ದಂಪತಿಗೆ ಪುತ್ರ, ಪುತ್ರಿ ಇದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.