ಸೋಬಾನೆ ಪದ ಗಾಯನ

ರಾಮನಗರ: ಚನ್ನಪಟ್ಟಣ ತಾಲ್ಲೂಕಿನ ಮುದುಗೆರೆ ಗ್ರಾಮದ ಲಿಂಗಮ್ಮ ಮತ್ತು ತಂಡದವರು ಇಲ್ಲಿನ ಜಾನಪದ ಲೋಕದಲ್ಲಿ ಸೋಬಾನೆ ಹಾಗೂ ದೇವರ ಪದಗಳ ಗಾಯನ ನಡೆಸಿಕೊಟ್ಟರು.

ನಲವತ್ತು ವರ್ಷಗಳಿಂದ ಸೋಬಾನೆ ಪದಗಳನ್ನು ಹಾಡುತ್ತಿದ್ದೇವೆ. ಸೋಬಾನೆ, ದೇವರ ಪದಗಳ ಗಾಯನಕ್ಕೆ ಈಗಲೂ ಬೇಡಿಕೆ ಇದೆ ಎಂದು ಹಿರಿಯ ಗಾಯಕಿ ಲಿಂಗಮ್ಮ ತಿಳಿಸಿದರು.

ನಮಗೆ ವಯಸ್ಸಾಗಿದೆ. ಸರ್ಕಾರಿ ಇಲಾಖೆಗಳನ್ನು ಹುಡುಕಿಕೊಂಡು ಹೋಗುವಷ್ಟು ಶಕ್ತಿ ಇಲ್ಲ. ಆದ್ದರಿಂದ ಇಲಾಖೆಯ ಅಧಿಕಾರಿಗಳು ನಮ್ಮ ಬಳಿಗೆ ಬಂದರೆ ಸಮಸ್ಯೆ ಪರಿಹರಿಸಲು ಸಾಧ್ಯವಾಗುತ್ತದೆ ಎಂದು ತಿಳಿಸಿದರು.

ಗಾಯಕಿಯರಾದ ಪುಟ್ಟಮ್ಮ, ಜಯಮ್ಮ, ನಿಂಗಮ್ಮ ಸೋಬಾನೆ, ದೇವರ ಪದಗಳನ್ನು ಹಾಡಿದರು.