ಭದ್ರಾವತಿ: ದೊಣಬಘಟ್ಟ ರಸ್ತೆಯ ₹ 5 ಕೋಟಿ ವೆಚ್ಚದಲ್ಲಿ ಸೇತುವೆ ನಿರ್ಮಾಣ

ಭದ್ರಾವತಿ: ದೊಣಬಘಟ್ಟ ರಸ್ತೆಯ ಸೇತುವೆ ಸಮಸ್ಯೆ ಇದೀಗ ಬಗೆಹರಿದಿದ್ದು, ₹ 5 ಕೋಟಿ ವೆಚ್ಚದಲ್ಲಿ ನೂತನ ಸೇತುವೆ ನಿರ್ಮಾಣಗೊಳ್ಳುತ್ತಿದೆ.

ಮಳೆಗಾಲದಲ್ಲಿ ಸೇತುವೆ ಮುಳುಗಡೆಯಿಂದ ಉಂಟಾಗುತ್ತಿದ್ದ ಸಮಸ್ಯೆ ಇದೀಗ ನೂತನ ಸೇತುವೆಯಿಂದ ಬಗೆಹರಿಯಲಿದೆ.

ನೂತನ ಸೇತುವೆ ನಿರ್ಮಿಸುವಂತೆ ಹಲವು ವರ್ಷಗಳಿಂದ ಈ ಭಾಗದ ನಿವಾಸಿಗಳು ಜಿಲ್ಲಾಡಳಿತ ಹಾಗೂ  ಶಾಸಕರಿಗೆ ಒತ್ತಾಯಿಸುತ್ತಿದ್ದರು. ಅಪೆಂಡಿಕ್ಸ್ ಅನುದಾನ ₹ 5 ಕೋಟಿ ವೆಚ್ಚದಲ್ಲಿ ಲೋಕೋಪಯೋಗಿ ಇಲಾಖೆ ಈ ಸೇತುವೆ ನಿರ್ಮಿಸುತ್ತಿದೆ.

ಈಗಿರುವ ಸೇತುವೆಗಿಂತ 6 ಅಡಿ ಎತ್ತರ, 40 ಮೀಟರ್ ಉದ್ದದಲ್ಲಿ ನೂತನ ಸೇತುವೆ ನಿರ್ಮಾಣವಾಗಲಿದೆ.