ಶಿವಮೊಗ್ಗ ಜಿಲ್ಲೆಯಲ್ಲಿ ದೃಢಪಟ್ಟಿಲ್ಲ ಕೊರೊನಾ ವೈರಸ್‌

ಶಿವಮೊಗ್ಗ: ಕೊರೊನಾ ವೈರಸ್‌ ತಗುಲಿರುವ ಪ್ರದೇಶಗಳಿಂದ ಬಂದ ಜಿಲ್ಲೆಯ 143 ಜನರ ಮೇಲೆ ನಿಗಾ ಇಡಲಾಗಿದ್ದು, 18 ಜನರ ಕಫ ಮಾದರಿ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಇದುವರೆಗೂ ಒಂದೂ ಪಾಸಿಟಿವ್ ಬಂದಿಲ್ಲ.

98 ಜನರನ್ನು 14ದಿನಗಳು ನಿಗಾದಲ್ಲಿ ಇರಿಸಲಾಗಿತ್ತು. 34 ಜನರು ನಿಗಾ ಅವಧಿ ಪೂರೈಸಿದ್ದಾರೆ. 11 ಜನರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಎಲ್ಲರೂ ಆರೋಗ್ಯವಾಗಿದ್ದಾರೆ. ಒಂದು ಸ್ಯಾಂಪಲ್‌ ಫಲಿತಾಂಶ ಬರಬೇಕಿದೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.