ಸಕ್ರೆಬೈಲು ಆನೆ ಬಿಡಾರದದಲ್ಲಿ ಕಾಡಾನೆ ದಾಳಿಗೆ ‘ರಂಗ’ ಸಾವು

ಶಿವಮೊಗ್ಗ: ಸಕ್ರೆಬೈಲು ಆನೆ ಬಿಡಾರದ ಆನೆ ರಂಗ (35) ಶನಿವಾರ ಬೆಳಗಿನ ಜಾವ ಕಾಡಾನೆ ದಾಳಿಗೆ ಮೃತಪಟ್ಟಿದ್ದಾನೆ.

ನಸುಕಿನಲ್ಲಿ ಕಾಡಾನೆ ಏಕಾಏಕಿ ದಾಳಿ ನಡೆಸಿದಾಗ ಸರಪಳಿಯಲ್ಲಿ ಬಂಧಿಯಾಗಿದ್ದ ರಂಗ ಅಸಹಾಯಕ ನಾಗಿದ್ದಾನೆ. ಕಾಡಾನೆಯ ದಂತ ತಿವಿತಕ್ಕೆ ರಕ್ತಸ್ರಾವದಿಂದ ಜೀವ ಬಿಟ್ಟಿದ್ದಾನೆ.

ಸಕ್ರೆಬೈಲು ಕ್ಯಾಂಪ್ ನಲ್ಲಿ ಹುಟ್ಟಿದ ರಂಗ. ಗೀತಾ ಆನೆಯ ಪುತ್ರ.

ರಾತ್ರಿ ಸಮಯದಲ್ಲಿ ಕಟ್ಟಿ ಹಾಕದಿದ್ದರೆ ರಂಗ ಬದುಕಿ ಉಳಿಯುತ್ತಿದ್ದ. ಮಾವುತರು, ಅಧಿಕಾರಿಗಳ ನಿರ್ಲಕ್ಷ್ಯವೇ ಸಾವಿಗೆ ಕಾರಣ ಎಂದು ಸ್ಥಳೀಯರು ಆರೋಪಿಸಿದ್ದಾರೆ.