ಶಿವಮೊಗ್ಗ | ನಗರದ ಹಲವೆಡೆ ರಾಜಾಕಾಲುವೆಗಳ ಹೂಳು ತೆರವು

ಶಿವಮೊಗ್ಗ: ಹಿಂದಿನ ವರ್ಷ ತುಂಗಾ ಪ್ರವಾಹದ ಪರಿಣಾಮದ ಪಾಠ ಕಲಿತಿರುವ ನಗರ ಪಾಲಿಕೆ ಆಡಳಿತ ರಾಜಾಕಾಲುವೆಗಳ ಹೂಳು ತೆಗೆದಸಲು ಮುಂದಾಗಿದೆ.

ಪಾಲಿಕೆ ವ್ಯಾಪ್ತಿಯ 24 ವಾರ್ಡುಗಳ ಸುಮಾರು 23ಭಾಗಗಳಲ್ಲಿ ₨72 ಲಕ್ಷ ವೆಚ್ಚದಲ್ಲಿ ರಾಜಕಾಲುವೆ ಹೂಳೆತ್ತುವ ಹಾಗೂ ಅಭಿವೃದ್ಧಿ ಕಾಮಗಾರಿಗಳನ್ನು ಹಮ್ಮಿಕೊಳ್ಳಲಾಗಿದೆ.

ಮೇಯರ್ ಸುವರ್ಣಾ ಶಂಕರ್ ನೇತೃತ್ವದಲ್ಲಿ ಶುಕ್ರವಾರ ಪಾಲಿಕೆ ಅಧಿಕಾರಿಗಳು, ಸದಸ್ಯರ ತಂಡಚಾಲುಕ್ಯ ನಗರ, ಕುಂಬಾರಗುಂಡಿ, ಸೀಗೆಹಟ್ಟಿ, ಇಮಾಮ್‌ಬಾಡ, ಗಂಧರ್ವ ನಗರ, ಚಾಲುಕ್ಯ ನಗರಗಳಿಗೆ ಭೇಟಿ ನೀ ಹೂಳೆತ್ತುವ ಕಾಮಗಾರಿ ವೀಕ್ಷಿಸಿತು. ಈ ಬಾರಿ ಎಲ್ಲೂ ಪ್ರವಾಹದ ಪರಿಸ್ಥಿತಿ ನಿರ್ಮಾಣವಾಗದಂತೆ ಮುನ್ನೆಚ್ಚರಿಕೆ ತೆಗೆದುಕೊಳ್ಳವಂತೆ ಮೇಯರ್ ಸೂಚಿಸಿದರು.

ಉಪ ಮೇಯರ್ ಸುರೇಖಾ ಮುರಳೀಧರ್, ಆಡಳಿತ ಪಕ್ಷ ನಾಯಕ ಎಸ್.ಎನ್. ಚನ್ನಬಸಪ್ಪ, ಪಾಲಿಕೆ ಸದಸ್ಯರಾದ ಶಂಕರ್ ನಾಯ್ಕ್, ಪ್ರಭು, ರಾಮೇಶ್, ಶಬಾನಾ ಖಾನಂ ಉಪಸ್ಥಿತರಿದ್ದರು.