ಶಿವಮೊಗ್ಗ | ಆನವಟ್ಟಿಯಲ್ಲಿ ಧಾರಾಕಾರ ಮಳೆ

ಆನವಟ್ಟಿ: ಪಟ್ಟಣ ಸೇರಿದಂತೆ ಉತ್ತಲಿನ ಗ್ರಾಮಗಳಲ್ಲಿ ಮಂಗಳವಾರ ರಾತ್ರಿ ಹಾಗೂ ಬುಧವಾರ ಧಾರಾಕಾರ ಮಳೆಯಾಗಿದೆ.

ಬುಧವಾರ ಸುರಿದ ಮಳೆಯಿಂದಾಗಿ, ಸೊರಬ ರಸ್ತೆಯ ಪೆಟ್ರೋಲ್‌ ಬಂಕ್‌ ಎದುರು ನೀರು ನಿಂತಿದ್ದು, ಜನರು ಪರದಾಡಿದರು. ರಸ್ತೆಯೂ, ಕೆರೆಯೂ ಎಂಬಂತೆ ಭಾಸಾವಾಗಿದ್ದು, ರಸ್ತೆ ದಾಟಲು ಪಾದಚಾರಿಗಳು ಕಷ್ಟ ಪಟ್ಟರು.

ಪೆಟೋಲ್‌ ಬಂಕ್‌ ಎದುರಿನ ಕಾಲುವೆ ಕಾಮಗಾರಿ ಅಪೂರ್ಣಗೊಂಡಿದ್ದು, ಮಳೆ ನೀರು ಹರಿದು ಹೋಗುತ್ತಿಲ್ಲ. ಎರಡು ವರ್ಷಗಳಾದರೂ, ಕಾಮಗಾರಿ ಪೂರ್ಣಗೊಂಡಿಲ್ಲ. ಇದರಿಂದ ಸಮಸ್ಯೆ ಹೆಚ್ಚಿದೆ. ಸಂಬಂಧಿಸಿದ ಅಧಿಕಾರಿಗಳು ‌ಕ್ರಮ ಕೈಗೊಳ್ಳಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.