ತುಮಕೂರು ಜಿಲ್ಲೆಯಲ್ಲಿ 67 ಮಂದಿಗೆ ಕೊರೊನಾವೈರಸ್ ಸೋಂಕು

ತುಮಕೂರು: ಜಿಲ್ಲೆಯಲ್ಲಿ ಸೋಮವಾರ 67 ಮಂದಿಗೆ ಕೊರೊನಾ ಸೋಂಕು ತಗುಲಿದೆ. ಈ ಮೂಲಕ ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 20,018ಕ್ಕೆ ತಲುಪಿದೆ.

ತುಮಕೂರು ತಾಲ್ಲೂಕಿನಲ್ಲಿ 22, ಚಿಕ್ಕನಾಯಕನಹಳ್ಳಿ 2, ಗುಬ್ಬಿ 12, ಕೊರಟಗೆರೆ 1, ಕುಣಿಗಲ್ 2, ಮಧುಗಿರಿ 10, ಪಾವಗಡ 6, ಶಿರಾ 6, ತಿಪಟೂರು 2 ಮತ್ತು ತರುವೇಕೆರೆ ತಾಲ್ಲೂಕಿನ 4 ಮಂದಿಗೆ ಸೋಂಕು ದೃಢವಾಗಿದೆ. ಇವರಲ್ಲಿ 46 ಪುರುಷರು ಹಾಗೂ 21 ಮಹಿಳೆಯರು ಇದ್ದಾರೆ.

ಪಾವಗಡದ 51 ವರ್ಷದ ಪುರುಷ ಕೊರೊನಾದಿಂದ ಸೋಮವಾರ ಮೃತಪಟ್ಟರೆ, ಇದೇ ದಿನ 104 ಮಂದಿ ಗುಣಮುಖರಾಗಿ ಮನೆಗಳಿಗೆ ತೆರಳಿದರು.

ಜಿಲ್ಲೆಯಲ್ಲಿ ಒಟ್ಟು 18,659 ಮಂದಿ ಗುಣಮುಖರಾಗಿದ್ದಾರೆ. 415 ಮಂದಿ ಮೃತಪಟ್ಟಿದ್ದಾರೆ.