ಶಾಲಾ ಮಕ್ಕಳಿಂದ ಜಾಥಾ

ಚಿಕ್ಕನಾಯಕನಹಳ್ಳಿ: ಜಿಲ್ಲಾ‌ ಪಂಚಾಯಿತಿ, ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ, ಗುಬ್ಬಿ ಸ್ನೇಹ ಜೀವನ ಫೌಂಡೇಶನ್‌ನಿಂದ ಬುಧವಾರ ತಾಲ್ಲೂಕಿನ‌ ದೊಡ್ಡಎಣ್ಣೇಗೆರೆ ಗ್ರಾಮ‌ ಪಂಚಾಯಿತಿ ವ್ಯಾಪ್ತಿಯ ಗವಿರಂಗನಾಥ ವಿದ್ಯಾಪೀಠ ಪ್ರೌಢಶಾಲೆಯಲ್ಲಿ ಜಲ ಜೀವನ್ ಮಿಷನ್ ಕುರಿತಂತೆ ಶಾಲಾ ಮಕ್ಕಳಿಗೆ ಚರ್ಚಾ ಸ್ಪರ್ಧೆ, ಪ್ರಬಂಧ ಸ್ಪರ್ಧೆ ಹಾಗೂ ಜಾಥಾ ಹಮ್ಮಿಕೊಳ್ಳ
ಲಾಗಿತ್ತು.

ಕಾರ್ಯಕ್ರಮ ಕುರಿತು ಮುಖ್ಯಶಿಕ್ಷಕ ನಾಗರಾಜು ಮಾತನಾಡಿ, ಮುಂದಿನ ದಿನಗಳಲ್ಲಿ ನೀರು ಅವಶ್ಯಕತೆ ಹೆಚ್ಚಲಿದೆ. ಮನುಷ್ಯನಿಗೆ ನೀರು ತುಂಬಾ ಅವಶ್ಯಕವಾದ ಮೂಲ ಸೌಕರ್ಯಗಳಲ್ಲೊಂದಾಗಿದೆ. ನೀರನ್ನು ಮಿತವಾಗಿ ಬಳಸಬೇಕು ಎಂದು ತಿಳಿಸಿದರು.

ಸ್ಪರ್ಧೆಯಲ್ಲಿ ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಣೆ ಮಾಡಲಾಯಿತು.

ಪಿಡಿಒ ಸಂತೋಷ್, ಗ್ರಾಮ ಪಂಚಾಯಿತಿ ಸದಸ್ಯ ಪ್ರಶಾಂತ್, ಶಾಲೆಯ ಶಿಕ್ಷಕರು, ಜಲ ಜೀವನ್ ಕಾರ್ಯಕ್ರಮದ ಗೋವರ್ಧನ್ ಮತ್ತು ಶಿವಪ್ರಸಾದ್
ಹಾಜರಿದ್ದರು.