ತಿಪಟೂರು: ಕೊಲೆ ಅಪರಾಧಿಗೆ ಜೀವಾವಧಿ ಶಿಕ್ಷೆ

ತಿಪಟೂರು: ಜಮೀನು ಪರಿಹಾರದ ವಿಚಾರಕ್ಕೆ ಕೊಲೆಗೈದ ಅಪರಾಧಿಗೆ ಜೀವಾವದಿ ಶಿಕ್ಷೆ ವಿಧಿಸಿ ಸೆಷನ್ಸ್ ನ್ಯಾಯಾಲಯದ ನ್ಯಾಯಾಧೀಶೆ ಪುಷ್ಪಾವತಿ ಆದೇಶಿಸಿದ್ದಾರೆ.

ಹೊನ್ನವಳ್ಳಿ ಹೋಬಳಿ ಬಳವನೇರಲು ಗ್ರಾಮದ ಚಂದ್ರಪ್ಪ ಅವರನ್ನು ಅವರ ತಮ್ಮ ಸಣ್ಣರಾಮೇಗೌಡ 8 ಗುಂಟೆ ಜಮೀನಿನ ಗ್ಯಾಸ್‍ಪೈಪ್ ಲೈನ್ ಪರಿಹಾರ ವಿಚಾರಕ್ಕಾಗಿ ಕೊಲೆಗೈದಿದ್ದರು.

ಪ್ರಕರಣ ಸಂಬಂಧ ಗ್ರಾಮಾಂತರ ಪೋಲೀಸ್ ವೃತ್ತ ನಿರೀಕ್ಷಕ ಸಿದ್ದರಾಮೇಶ್ವರ ನ್ಯಾಯಾಲಯಕ್ಕೆ ದೋಷರೋಪ ಪಟ್ಟಿ ಸಲ್ಲಿಸಿದ್ದರು. ಸಾಕ್ಷಿ ಆಧಾರದಲ್ಲಿ ಸಣ್ಣ ರಾಮೇಗೌಡನಿಗೆ ಜೀವಾವಧಿ ಶಿಕ್ಷೆ ವಿಧಿಸಿದೆ.

ಸರ್ಕಾರಿ ಅಭಿಯೋಜಕ ಬಿ.ಕೆ ನಾಗರತ್ನಮ್ಮ ವಾದ ಮಂಡಿಸಿದ್ದರು.