ಮಧುಗಿರಿ: ವಾಹನ ಡಿಕ್ಕಿಯಾಗಿ ಒಂದೂವರೆ ವರ್ಷದ ಹೆಣ್ಣು ಚಿರತೆಗೆ ಪೆಟ್ಟು

ಮಧುಗಿರಿ: ತಾಲ್ಲೂಕು ಮಿಡಿಗೇಶಿ ಹೋಬಳಿಯ ಹನುಮಂತಪುರ ರಸ್ತೆಯಲ್ಲಿ ಶುಕ್ರವಾರ ಬೆಳಿಗ್ಗೆ ಅಪರಿಚಿತ ವಾಹನ ಡಿಕ್ಕಿ ಹೊಡೆದು ಒಂದೂವರೆ ವರ್ಷದ ಹೆಣ್ಣು ಚಿರತೆಗೆ ಬಲವಾಗಿ ಪೆಟ್ಟು ಬಿದ್ದಿದೆ.

ಹನುಮಂತಪುರ ಗ್ರಾಮದ ಸಮೀಪದ ಈರಣ್ಣನ ಬೆಟ್ಟದಿಂದ ಚಿರತೆ ರಸ್ತೆ ದಾಟುವಾಗ ಅವಘಡ ಸಂಭವಿಸಿದೆ.

ಚಿರತೆಯ ಹೊಟ್ಟೆಯ ಬಲ ಭಾಗಗಕ್ಕೆ ಪೆಟ್ಟು ಬಿದ್ದಿದೆ. ಚಿರತೆ ಒದ್ದಾಟ ಕಂಡ ಗ್ರಾಮಸ್ಥರು ಪೊಲೀಸರು ಹಾಗೂ ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಬಂದ ಅಧಿಕಾರಿಗಳು ತಿಮ್ಲಾಪುರ ಅರಣ್ಯ ಧಾಮಕ್ಕೆ ಕೊಂಡೊಯ್ದು ಚಿಕಿತ್ಸೆ ಕೊಡಿಸುತ್ತಿದ್ದಾರೆ. ಚಿರತೆಯನ್ನು ನೋಡಲು ನೂರಾರುಜನರು ಜಮಾಯಿಸಿದ್ದರು.