ತೋವಿನಕೆರೆ | ಶಾಲೆ ಎಲ್ಲೆಡೆ ಹಬ್ಬದ ವಾತಾವರಣ

ತೋವಿನಕೆರೆ: ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಶುಕ್ರವಾರ ನಡೆದ ಶಾಲಾ ದಾಖಲಾತಿ ಅಂದೋಲನ ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಯಿತು.

ಶಾಲಾ ಅವರಣದ ತುಂಬಾ ವಿಶೇಷ ಅಲಂಕಾರ, ಆಕರ್ಷಕ ಉಡುಪು ಧರಿಸಿದ ಮಕ್ಕಳ ಲವಲವಿಕೆಯ ಓಡಾಟ, ಹಬ್ಬಗಳನ್ನು ಮೀರಿಸುವಂತೆ ಶಿಕ್ಷಕ ಶಿಕ್ಷಕಿಯರು ಮತ್ತು ಶಾಲಾಭಿವೃದ್ಧಿ ಸದಸ್ಯರ ಚಟುವಟಿಕೆ ಹೊಸ ಮೆರುಗು ನೀಡಿತ್ತು.

ಬಿಇಒ ನಟರಾಜು, ಗ್ರಾಮದಲ್ಲಿ ಸರ್ಕಾರಿ ಶಾಲೆಗೆ ಸೇರಿಸುವುದರಿಂದ ಸಿಗುವ ಪ್ರಯೋಜನಗಳ ಬಗ್ಗೆ ಕರಪತ್ರ ಹಂಚಿ ಪೋಷಕರಿಗೆ ಮನವರಿಕೆ ಮಾಡಿದರು.

ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಗಿರಿಜಮ್ಮ, ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷ ರೇವಣ್ಣ, ಉಪಾಧ್ಯಕ್ಷೆ ಪುಷ್ಪ, ಪಿಡಿಒ ಎಚ್.ಎನ್. ಲಕ್ಷ್ಮಿ ನಾರಾಯಣ, ಸಿಆರ್‌ಪಿ ಹರ್ಷ, ಮುಖ್ಯಶಿಕ್ಷಕ ಸಿದ್ಧಪ್ಪ ಹಾಜರಿದ್ದರು.