ತಿಪಟೂರು: ನಾಯಿಗೆ ಸೀಮಂತ, ಊರಿನವರಿಗೆ ಚಿಕನ್ ಬಿರಿಯಾನಿ ಊಟ

ತಿಪಟೂರು: ಬೀದಿಯಲ್ಲಿ ಸಿಕ್ಕಿದ ನಾಯಿಯೊಂದಕ್ಕೆ ತುಮಕೂರು ಜಿಲ್ಲೆಯ ತಿಪಟೂರು ತಾಲ್ಲೂಕಿನ ದಸರಿಘಟ್ಟ ಗ್ರಾಮಸ್ಥರು ಸೀಮಂತ ಕಾರ್ಯಕ್ರಮ ನೆರವೇರಿಸಿದ್ದಾರೆ.

ಸೀಮಂತದ ವಿಡಿಯೊಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದೆ.

ಪ್ರವೀಣ್ ಎಂಬವರಿಗೆ ಎರಡು ತಿಂಗಳ ಹಿಂದೆ ಈ ನಾಯಿ ಸಿಕ್ಕಿತ್ತು. ಅದಕ್ಕೆ ಖುಷಿ ಎಂದು ನಾಮಕರಣ ಮಾಡಲಾಗಿತ್ತು. ಈಗ ಈ ನಾಯಿ ಗರ್ಭಿಣಿಯಾಗಿದ್ದು, ತರ್ಲೆ ಬಾಯ್ಸ್ ಎನ್ನುವ ಯುವಕರ ಗುಂಪು ಸೀಮಂತ ನೆರವೇರಿಸಿದೆ.

ಕಾರ್ಯಕ್ರಮಕ್ಕೆ ಬಂದವರಿಗೆ ಚಿಕನ್ ಬಿರಿಯಾನಿ ಬಡಿಸಿದ್ದಾರೆ. ಸೀಮಂತ ಕಾರ್ಯಕ್ಕೆ ನಾಯಿಯ ಭಾವ ಚಿತ್ರ ಇರುವ ಫ್ಲೆಕ್ಸ್ ಹಾಕಿ ಶುಭವನ್ನೂ ಕೋರಿದ್ದಾರೆ.