ತುರುವೇಕೆರೆ | ಮನೆ ಮೇಲೆ ಉರುಳಿದ ತೆಂಗಿನ ಮರ

ತುರುವೇಕೆರೆ: ತಾಲ್ಲೂಕಿನ ದಬ್ಬೇಘಟ್ಟ ಹೋಬಳಿ ಮಾವಿನಕೆರೆ ಗ್ರಾಮದ ಸಣ್ಣ ನಂಜೇಗೌಡರ ತೋಟದ ತೆಂಗಿನ ಮರ ಶನಿವಾರ ಅದೇ ಗ್ರಾಮದ ನಿಂಗಮ್ಮ ಅವರ ಮನೆಯ ಮೇಲೆ ಉರುಳಿದೆ. ಮನೆ ಜಖಂಗೊಂಡು ಮಹಿಳೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ತೆಂಗಿನ ಮರಗಳು ತೀರಾ ಹಳೆಯವಾಗಿದ್ದು, ಎತ್ತರವಾಗಿದ್ದವು. ಅವುಳನ್ನು ತೆರವುಗೊಳಿಸುವಂತೆ ಕೆಲ ಗ್ರಾಮಸ್ಥರು ಗ್ರಾಮ ಪಂಚಾಯಿತಿ ಪಿಡಿಒ ಅವರಿಗೆ ಮನವಿ ಪತ್ರ ನೀಡಿದ್ದರೂ ಯಾವುದೇ ಪ್ರಯೋಜನವಾಗಿರಲಿಲ್ಲ.